<分享>結婚前夕......放唔低既一段回憶 *文* P1,2,4,5,24 *相* P5
新手,,,初黎報到....先介紹下自己...
27,28歲,165cm,身形中規中距,有個拍左幾年拖既男朋友 ,佢話我笑係上黎都幾似鍾嘉欣:smile_o05:
一直以黎,我地都愛對方,亦都視對方為結婚對象..而最近我男朋友亦都終於向我求左婚..當時我真係好開心,亦都覺得自己好幸運可以搵到個好歸宿...
但世事就係咁....係幾年前我地發生左一件(我男朋友到依家都唔知架),我到依家仲係好介意,好想同男朋友坦白但又怕俾佢知,驚佢會嬲....好矛盾...
我打呢件事出黎係想舒發我既情緒,如果各位ching,c姐覺得我寫得唔好//件事好假...既話,,請轉睇其他甜故,,麻煩哂...
件事發生係幾年前,,果陣我係半工讀,朝早返工,放工就返part time degree,,
一路都返得好地地,男朋友都會管接管送(話哂間野都幾唔就腳),,但有次同男朋友吵大獲仲冷戰左一排,,所以果排就得自己一個返學返學....
第1堂:班上面都唔算好full,我坐係尾2果排....上左大概一個鐘,突然有人好大力開門(feel到佢係好似衝入玨房咁...),全班都下意識地望左一望個門口...
入黎果個係男,果陣凈係記得佢係帶眼鏡既,佢講左聲"唔好意思"就坐左係我斜後面
第2堂:同樣係差唔多上左一個鐘頭堂既時候,又有人入左黎,但今次明顯細聲左好多,佢都係照坐係我斜坐面..過左一陣,有人拍我膊頭一下"唔好意思呀,我冇notes...可以借黎睇嘛?" (呢間U係興用e-mail sd notes俾學生,,冇print到就真係冇notes上堂...TmT)
咁我見佢出到聲咪同佢一齊睇lo,咁佢就調左上黎,坐係我隔離,,放break果陣就吹左下水,知佢叫 B ,,做邊行呀....等等,,都叫做認識左
第3堂:都係過左一個鐘頭 B 先到,今次佢直接坐係我側邊,,仲好細聲同得戚咁講"我今次有notes啦,係咪好叻呀?"我"哦"左一下,都唔知俾咩反應佢好...之後放break又吹左陣水,講下無聊野咁...講下佢既樣係點啦,,佢唔算好高(應該高我少少),帶眼鏡,個樣都花弗下,同埋應該都有有地錢(見佢都成身名牌)...而佢今次竟然問我攞電話no.,,我"我唔會隨便俾電話人架",,大家dead air左幾秒...我見個情況咁尷尬"一係我俾"拉"你啦,唔使交換電話no.都可以chat到" "都好姐~"B笑笑口咁講
中間佢都有"拉"下我,但因為唔多熟,我都只會覆一句起,兩句止...
到第4堂都冇咩特別野發生.....直到第5堂.......
*打住咁多先,如果各位ching,c姐想知後來發生咩事既...可以俾d支持我嘛?*:smile_o06: :smile_o06:
[ 本帖最後由 !amLadyJ 於 2014-9-22 06:07 PM 編輯 ]
