尋日傍晚上坐火車時好累、剛好有個二人位可以坐低。
坐低之後我閉目養神、忽然聞到好香的味道(隻香水好好聞、好清新的感覺)。彈開小小隻眼原來有個著黑色裙的女仔坐在旁邊。個女仔樣子唔算靚、不過化左妝都順眼。仲有我聞到女人香水係會特別興奮的。
一路上我坐得好平靜閉目養神。火車去到尖東，我有d唔捨得大力索多幾下就落車。行左好耐去到尖沙咀站月台轉地鐵果陣、竟然又聞到果陣香水味。原來個女仔都係轉地鐵、仲跟我後面入左一個車廂。我平時行得好快、尖沙咀火車轉地鐵行咁遠都一齊坐同一個車廂、巧合的機會應該好微。:smile_47:
車廂入面我望左幾眼、我見到個女仔都有望我幾眼。去到中環、我落樓梯去轉上環線。竟然見到個女仔在後面幾個人位、我心諗有無咁橋啊！:smile_46:
我故意去到月台差唔多最前的部份、個女仔竟然又主動慢慢走過來月台前面，不過今次就走去我隔離的門口上車。去上環都幾多位坐、我地唔同門口入，不過都坐同一個車廂。我坐在她斜對面。大家又係望左幾眼.......:smile_04:
之後到左上環我地跟人群慢慢轉扶手樓梯上去時、大家都前前後後站得好近。我心諗可能佢好無聊想等人溝、我就盤算點樣開口。又諗緊會唔會即日可以溝到條女去爆房..........:smile_46:
上到地面我跟在後面，佢就無再望我啦。不過佢自己慢慢走入大快活，我就覺得大好機會當然跟住入。果時她在拿食物、我係咁意買杯野飲就走過去。大家見到果時我主動向佢笑一笑、話: "哈！又係你呀！？咁橋啊？"
正當我好滿意自己表現時、果女仔竟然好驚咁退後兩步、無回答我。然後轉頭望向另一邊。我心叫"卜街"、然後個女仔就好快拿住食物走去最多人的地方坐低。:smile_39:
之後我衹好死狗咁隨便坐低、拿本書出來頭耷耷扮睇書遮醜。過幾分鐘偷偷望下個女仔的位置、竟然人都唔見左！唔知係咪驚得滯竟然乘我唔在意走左！:smile_27:
[
本帖最後由 kachun520 於 2008-10-14 03:29 PM 編輯 ]
