引用:
原帖由 lulu1238899 於 2021-11-11 09:10 發表
好文,支持,其實小S都十分吾錯,似乎都好誘惑
但係現實中,小S只係一個過客,而且只係其中一個過客。
* * *
3.6.5下1
嗰朝我好早就期待小予訊息,佢一路冇發訊息嚟。自從佢去咗阿B屋企,我唔敢隨便發訊息俾佢,等佢發俾我。
成朝冇小予音訊,我中午直接去太子,喺我哋食過嗰間八方雲集食嘢嘅時候收到佢訊息,話喺錶行間商場等。
我食完嘢就過去,等到佢之後就同佢一齊入錶行睇錶。
喺錶行,佢喺店員面前問,老公,你幾時買一隻俾我,令我諗番自從初期,小予好鍾意喺外人面前叫我老公。
做完嘢,我一心期待佢提出去開房。
咁多年,每次做愛都係佢要求。我好想嘅,不過我唔想勉強佢,所以從來都係佢主動。
喺錶行出嚟,小予話,尋晚肥佬同我講,妳都嚟咗兩星期啦,我哋好好哋傾吓心事。
原來,阿B之前有過一個女朋友。
係大陸女人,阿B同呢個女人同居過6年。
有次,阿B嘅老友打電話俾阿B,話見到你條女同男仔開房。阿B最初唔信,佢打電話問條女喺邊度。據老友講條女喺A區,條女就話自己喺C區。阿B再打電話俾條女,條女一路唔聽,令阿B懷疑,於是即管去老友講嗰間酒店樓下捕,結果見到條女同條仔出嚟。
小予話,阿B講件事俾我知,之後就冇講啲乜,可能係想俾壓力我,暗示我唔好溝仔。
我當時諗到,肥佬咁多錢,假如佢懷疑小予溝仔,可以請個私家偵探跟蹤小予。但假如我咁講,以小予咁易緊張嘅個性,可能驚到以後連見面都唔敢。
我話,佢有啲咁嘅經歷,妳要令佢信任妳、分財產俾妳,恐怕唔係咁易。就算妳循規蹈矩,佢要懷疑妳就點都會懷疑妳。
阿B果然有戒心,只係俾小予好少錢,其它必要開支另外貼。小予好坦白話自己需要生活保障,要求肥佬俾多啲安全感。肥佬叫小予唔好心急,只要以後同佢一齊,生活就冇需要擔心。佢希望大家係真正嘅家人、有感情,就會對小予好好,會買屋俾佢,亦會照顧小予喺大陸嘅爸爸媽媽、女。
小予騎虎難下。阿B疑心咁重,就算小予豁出去,俾阿B得到佢,阿都B唔一定信佢,頂多俾小予唔使做嘢,食好住好,身體有咩毛病可以得到醫療保障。
小予諗過,咁都可以嘅,最多陪佢終老,等佢死分佢財產。
不過真係唔鍾意佢,同佢一齊好難頂。小予話。
結果我哋冇去開房,喺花墟旁邊搵個地方坐低傾呢啲問題。
另一個麻煩就係肥佬有個老友上阿B屋企食飯見過小予,就同肥佬講,你搵個後生過你咁多嘅,佢呢個年紀怕佢會溝仔。就係因為阿B朋友講啲咁嘅嘢,令阿B對小予咁防範。
小予話,阿B係好有錢,本來,假如佢對我好啲、大方啲,我都諗住算罷啦,就當佢老公咁照顧、服侍,叫做有個伴,可以終老。點知佢原來咁小家,計算,令我對佢好反感。
其實阿B都好可憐,咁嘅年紀,擺明唔會有女人真心鍾意佢,唯一係叫做有啲錢,可以用照顧去得到一啲有困難、需要照顧嘅女人。佢應該心知肚明咁樣係買賣、交易嚟,但係佢偏偏期望人哋真心待佢,佢至肯對人好,係女人都唔想啋你啦,就算肯啋你,唔俾帽你戴就奇。
傾傾吓,肥佬突然打電話嚟問小予喺邊度。小予唔敢講大話,話喺花墟睇花,肥佬話喺深水埗,而家即刻揸車嚟接。
小予驚青到即刻去左近一間花檔是旦買啲花就走。
小予開始猶豫好冇同阿B結婚,假如同,除咗一定要付出之外,阿B實會對佢好多要求、監控佢,亦未必信任佢、對佢疏爽、大方;假如唔同,咁返大陸之前呢幾個月就唔可以俾阿B得到佢嘅身體,因為唔值得咁做。但係唔俾好處阿B嘅話,就更加唔使旨意阿B會願意使錢喺佢度,所以係個兩難。
我因為小予嘅事,有咗抑鬱症,要睇心理學家。有日經過太子好掛住佢,行吓行吓去咗佢以前住嘅地方樓下,點知兜口兜面見到佢。
佢望住我,但冇停低同我傾偈。佢身邊有個男人,我即刻估嗰個係阿B,就冇同佢打招呼。我番擰轉頭,見到佢都擰轉頭望住我。
過咗陣,收到佢訊息。
你去邊?
睇心理學家。
你真係,睇乜嘢?你拋棄我,我比你咪仲傷?
我從來冇拋棄妳,只係妳認為我咁樣。
事實你就係拋棄我。你走返嚟呢頭做乜?唔係又試上去懷念啩?
係吖。
咁做有乜意義呢?我要你離婚同我一齊,你唔應承,將我推俾人,而家至嚟懷念。
我對妳由始至今冇變過,妳又返嚟做乜?
還大廈張卡。
頭先喺妳身邊嗰個係佢?
唔係,嗰個人只係咁啱行過,我唔識佢。肥佬喺車裏面等我。
過後,小予話佢打算喺佢屋企待3個月,就返大陸探爸媽同阿女,好耐冇返過去,好掛住屋企。
我問返咗去有乜打算?會唔會唔返嚟?
我仲未諗到,有可能返去搵嘢做就唔再返嚟,假如上面冇嘢做我就返嚟。
會嫁俾阿B嗎?
如果冇其它出路,可能同佢結婚。如果搵到嘢做,我唔想同佢一齊。點都好,返去之前呢幾個月,我想做吓體檢、調理吓。阿B會俾錢,我想你陪我,另外帶我去玩吓、食好嘢、做吓spa放鬆吓。
好,但佢唔會陪妳咩?
我要見你,自有辦法唔俾佢陪。你幫我搵地方、約時間就得。
好。
有一晚,我加班比平日早收工。
行吓行吓好行到小予以前住嘅地方,望上樓上,冇幾耐之前佢仲住緊嗰個單位已經吉咗。
一路逛,經過我哋開過房間時鐘樓下,再去到嚟開房之前食過嗰間八方雲集,食番當日食過嘅餃子餐。
回想7個月前有一日,中秋長假期加班,小予中午訊息我做愛。我一收工就過嚟呢邊。當時我全日未食嘢,小予同我嚟咗呢間八方雲集。當時佢想留番條後路俾自己,驚阿B又試喺佢屋企樓下捕佢,唔敢同我上佢屋企,於是同我嚟開房。我屌到小予高潮之後,佢再嚟多次,我就俾佢第二次高潮。
屌屌吓,我諗起我哋當時嘅狀況,一時感觸,趴喺小予身上,話我想死。佢以為我話想射,我話,想死。
事後小予問爽嘛?我話爽,妳鍾意嘛?佢話唔鍾意就唔會嚟多次啦,頭先見到你個樣就好想再嚟。
落樓時,我諗到一個月後、三個月後、半年後,我哋唔知會點,就好唔開心。小予話,同你做愛你都唔開心?咁唔好做喇。
食完餃子後漫無目的由太子行去油麻地。喺街一路行,一路上分手復合嘅占卜網占卜,得出嘅結果話曾經係天作之合,而家係一段互相傷害至深嘅感情,兩人思想南轅北轍,復合嘅話要克服彼此好大嘅鴻溝。
一路睇呢啲結果,經過我教小予嘢嘅時候間自修室。
行到廟街,忽然收到訊息,係小予。
你喺邊度?
收咗工,喺街逛掛住妳。
同肥佬嗌咗成日交,走咗出嚟。你嚟太子,我哋去做愛,嚟唔嚟?
做乜又嗌交?
我問佢攞錢,佢唔俾,我就同佢嗌交。阿女要讀研究班,要20萬,我就問阿B攞,佢叫我唔好咁心急向佢要錢。
妳真係亂嚟,啱啱同人一齊就問人攞咁多錢,係人都唔俾啦。
我同佢傾條件嘅時候講到明係為咗照顧先至同佢一齊㗎嘛。
妳真係,做嘢咁心急。
唔為錢做乜同佢一齊?我好憎佢,媾我嗰陣起勢話會點樣對我好,去咗佢度先至知道佢咁小家。我好掛住你,我哋做愛,你嚟唔嚟?
嚟。
我喺小S屋企,你去佢街口等我。
而家過緊嚟。
快啲,我驚佢揸車過嚟呢頭捕我。
(未完待續)
[
本帖最後由 dcat20 於 2021-11-23 15:44 編輯 ]