深圳夜遊新手入門(有咩問題都可以問,睇下幫唔幫到手)
收到好多PM, 係度見好多POST都問一D深圳夜遊既野, 有時又見有D post ching因為去錯地方玩而玩得唔開心, 諗番起之前自己第一次去玩都好似無從入手咁, 所以係度寫番個夜遊新手入門, 希望其他CHING指點下, 補充下.
桑拿篇:
桑拿都可以算係深圳最多既夜遊場, 係旺區真係緊有一間係左近, 主要分正骨同邪骨, 正骨小弟好少去唔係討論範圍, 而邪骨就主要分為推油場同大飛場(同技師做). 如果要去桑拿, 係羅湖交通樓或者皇岡天僑底有好多桑拿專車車你去, 係唔使錢既.
推油場即係打飛機既場, 當然佢地唔會寫到明啦, 但係你見到港式推油即係打飛機.
入到桑拿, 第一步就係去更衣室放低d野沖涼, 之後換番桑拿服就出大廳坐. 呢個時候你可以叫服務員比杯野你飲, 基本上茶記有既野好似汽水, O茶咖啡好立克都有. 雖然好多場都寫話贈飲一杯, 但係多數邪骨場都無話限你飲幾多杯, 三, 五杯唔會話收你錢, 好少場真係得一杯比你飲. 好多場電腦都可以睇技師相, 但係唔係個個技師都肯影相, 而技師都會番早班同夜班, 有機會簡到都唔係度, 入到房簡就最穩陣.
部長帶到你入房, 就會叫技師過黎你間房, 睇啱技師就報鐘開始計雙鐘(桑拿一鐘係四十五分鐘, 唔係六十分鐘). 通常一開始會同你按三十分鐘至四十五分鐘正骨先, 之後就同你打飛機, 打飛機好多場都有d小道具好似雞蛋, 熱石咁用黎附助推油. 推油. D技師個波係一定可以摸既, 但係下面就因應個別囡囡肯唔肯啦. (但係如果你去左大飛場玩機餐, 待遇有時會好唔同, 條女入黎會撩你開大, 你唔開大做機餐就會黑面, 仲會唔比你摸, 話要開大先摸得, 所以要推油而去左大飛場就會唔係幾開心. 當然啦, 有D場推油同大飛都做, 而同時都做得幾好既). 而你係客, 你唔想按正骨, 九十分鐘同條女攬下抽下水都得. 夠九十分鐘, 電話會響起, 技師就會走啦. 當然啦, 你可以加鐘, 加一個鐘即係四十五分鐘, 通常收費係桑拿費既一半少d, 大部分邪骨場既收費都包左技師小費, 你係唔使簽小費既.
而有得開大既桑拿, 會有d唔同. D入到黎通常唔會點按, 因為要時間做其他服務. 服務內容間間唔同, 但係最基本吹, lam lin呢d一定會有.
好多桑拿都會話送一至兩樣大堂項目, 大堂項目主要有洗腳, 按頭, 按肩, 採耳等等, 每個項目四十五至六十分鐘(不過之前試過有間係廿分鐘, 吹脹). 送既意思係唔使比鐘費, 但係個足浴師或者美容師同你按完, 你係要簽小費比佢地既, 通常十至二十蚊不等. (提起美容師, 有D場係有美容部既, 如果得閒既話用幾十蚊做個facial都幾舒服, 男人有時都要保養下ga~~)
如果夜晚十二點後去到要留係桑拿過夜係無問題既(有d桑拿要加鐘先可以過夜, 最好入去前問清楚), 不過有時桑拿唔夠房, 你按完後會叫你出大廳休息, 而通常桑拿大廳既沙發都可以放平比你訓既. 想走就入更衣室換衫走人, 走既時候可以隨心比小費locker仔, 通常五至十蚊都ok. 你係間場既消費, 都係走既時候係前台收銀先比. 走既時候可以問下桑拿有無車車番你去關口.
有時你係桑拿聽到咩點鐘, call鐘, 究竟係咩黎呢? 其實點鐘就係你去到間桑拿話要點幾多號技師, call鐘就係你一早打定去間場或者打比條女話幾點到要點佢. 因為技師要完成每個月call鐘quota, 所以你揾d女做call鐘佢地會好開心.
而另外仲有一種叫莞式桑拿, 係東莞有好多, 環境同酒店差唔多. 入到去部長會直接帶你入房, 係間房你叫野飲都係多數無限幾多杯既. 房間會有得沖涼, 但係唔好自己去沖呀, 簡左女先沖, 因為d女會同你一齊沖. 雖然係叫桑拿, 但係條女都唔同你按, 因為要做好多服務, 而好多時係可以做兩Q既, 而時間就係九十至百二分鐘不等. 呢D桑拿好少有大廳, 所以更加唔會有咩大堂項目, 而十二點後留過夜事先講明就唔會話無房比人叫出黎, 但係過夜就要比左錢先. 有D係房錢同技師錢分開比, 有D係一齊比間場.
為左維護我地消費者既利益, 有D基本野如果技師唔做足係應該同部長投訴既, 好似唔足鐘技師就走啦, 推油場技師唔比摸啦, 唔按摩啦, 大飛場條女唔肯吹啦, 呢D都要提出, 你同部長投訴, 佢地跟進改善番, 之後其實得益既都係我地. 不過點都好啦, 去玩有時都要講下骨運, 一間場點都有D服務超好既女, 又會有D混水摸魚既技師. 甚至同一個技師, 之前玩過幾次都好正既, 下次揾佢可能上鐘前先比人鬧完, 或者同條仔分左手而服務有別~
快餐篇:
快餐, 即係街邊既小店, 入面都會坐住三至十條女, 最多既集中地係向西村($150 1 Q)同羅湖村($100-$120 1 Q, 通常雞頭開價百二, 可以還到一百). 你去到可以係d店舖門口行下, 見到啱既企定定d女都會自己行埋黎. 指住邊條女, 佢就會帶你上樓. 上到去先入房除衫, 之後同條女入toilet. 你企係度就得, 條女會幫你沖涼. 沖完用毛巾印乾水(唔好印條野, d毛巾唔係好乾淨)就可以訓上床. 條女會同你lam lin, 吹(多數帶套吹), 之後就開波. 做完條女幫你沖完涼就著衫, 放低錢比條女就走人. 房間係肉金包埋既, 唔使另外比錢, 除非你自己另外去時鐘酒店. 而有時上房前雞頭會先收五十, 咁你到時比條女餘下既錢就OK.
快餐d女都可以過夜, 通常收五百(雞頭有時會先收一百), 不過你去既時間唔同, 價錢都有出入. 但係而家包夜既時間同以前係沙咀既差好遠(沙咀而家無晒快仔咁濟), 以前d女過夜真係陪到你第二朝十一, 二點, 而家d女五, 六點就叫走, 有d去到兩, 三點就揾幾百個借口話走, 又話肚痛, 又話朋友有事, 所以都唔係咁建議揾女過夜. 而過夜係要自己揾地方既, 條女多數會同你做兩Q.
淫K(夜總會)篇:
淫K或者夜總會有D似香港k房, 入到去坐定定有個媽咪會帶d女入黎比你簡, 有d場係可以去一個特定既地方簡女. 簡完女就可以同條女係間房唱k, 飲酒, 玩. 房間收費多數係免既, 但係有最低消費,通常都會有果盤紙巾收費, 當然叫酒都要錢啦. 記得要叫媽咪送酒同埋小食, 佢地通常都可以送. 有時有d場要有個DJ幫你點歌, 倒酒, DJ收費一百. 不過要記住DJ唔係小姐, 如果你睇中佢你可以溝佢或者同佢講定收幾多錢陪你睇下佢肯唔肯, 但係唔好夾硬抽人水.
到唱完K埋單, 就可以決定同唔同條女出街. 通常D女既收費係2-5-8, 1-3-6, 1-4-7. 第一個數字係坐枱既錢, 第二個數字係一Q, 第三個數字係過夜(後面記得加兩個零). 你可以埋單先決定下一步, 但係如果有心同條女過夜可以唱緊K既時候就同佢地講定, 因為有D場既女好仆街, 埋單既時候先話自己M到或者其他原因唔出街, 到時坐枱錢又要比, 又無得桔~~
過夜而家都係, 好多女都陪到六, 七點(唉, 以前唔到十二點邊叫過夜?), 到時比錢佢走人. 如果去得唱淫K又決定揾條女過夜, 可以一早BOOK定酒店先.
打得好辛苦ga, 大家上去玩完, 食到咩好野出番個report通知聲啦~~:smile_o06:
[ 本帖最後由 hellowei 於 2009-11-11 12:53 AM 編輯 ]
