引用:
原帖由 fufufu123456 於 2012-2-20 07:45 PM 發表
終於追完心兄79版既post==''
心兄您既故事比其他故事既優越之處在於「心機同寫實度」
單憑您打左28章,仲要篇篇咁長,真係不得不推薦^^
而真實呢一點亦比左我好大想像空間
同埋您話自己文筆差實在太謙虛
比較下 ...
當然無問題啦,俾大家下載完全無問題!
其實真係文筆差,先寫廣東話:smile_35: ,我就真係無咩讀過書既,當年我係讀ST.JOSEPH's,頭兩年中一二都好比心機讀書,後尾D英文真係完全跟唔上,搞到完全唔想再讀。
中三果年開始懶散,中文課既作文,我開始玩野將篇文寫成廣東話,仲要寫得好搞笑。
第二天MISS改完文,上中文堂既時候,竟然係全班同學面前讀我篇野,搞到成班都笑到傻。
久而久之,每次作文我就篇篇都玩野,每次派作文,全班同學竟然主動叫MISS讀我篇文出黎,當然每次唔理個題目幾悶,我都好努力寫到超搞笑。
記得當時個中文MISS都幾鬼令,好似30歲都未有,有一次讀到一半笑到喊,跟住休息一陣先可以再繼續讀,就係咁依個MISS變左我既推動力,為左引佢笑,我每次都費極心思去寫。
就係中學時期依件事,搞到我先開始鐘意寫野!
以前既我本身真係對文字無咩興趣,未試過完完整整睇完一本小說,但唔知點解會努力寫。
但宜家開始唔同左,開始睇下人地既文章,小說,學下寫作技巧。
但寫到咁長篇既文,係我第一次,以前一篇文得300-600字,唔洗半小時就KO。
你話流暢唔過火,其實我都唔係好明白?點為之過火呢?
-------------------------------------------------------------------------------------
阿怡當然索到爆,一定會寫,但篇幅可能會比現在依篇少,暫時計畫既。
多謝閣下既意見