之後佢都有搵過我幾次, 我都唔得閒推左, 真係有d心虛,
到左有日星期6, 出去食飯o個陣難得見到佢老公帶2個小朋友出街,
見唔到阿may我有d失落又有d鬆一口氣,
到我食緊野o個陣佢sent左個msg黎,
"我病左唔舒服, 可唔可以陪下我?"
我食完都順手去買碗粥俾佢,
番到去, 佢個樣真係好病, 原來本身佢地諗住一家出去玩, 但佢病到9彩所以剩低佢o係度,
見到佢咁o既樣, 我都無非分之想, 睇住佢食完野食埋藥訓我就走左,
之後夜晚佢都send個msg黎講唔該哂我,已經好番好多,
到左星期日, 睇睇下電視又聽到隔離d 小朋友大大聲開門,
望下防盜眼, 又係見到佢老公帶小朋友出去, 睇黎佢都未好番哂,
諗住晏d去食野先睇下佢食唔食啦,
入房打陣機之後,過多陣我見餓就去沖個涼先去食野,
沖完出黎有人禁鐘, 一開門就見到佢買埋野食企o係門口
