我覺得“男人當入珠”係非常之on9嘅玩意，冇嗰樣整嗰樣，累人又害己。
陽具植珠，英文一般叫“beading”(穿珠仔)，或者“pearling”(鑲珠)，潮語俗稱“ballsy”。後者一語相關。
做法係將鋼珠、波子(玻璃珠)、或膠珠通過手術植入包皮與陽具之間。而所謂手術，一般係喺包皮某個地方(例如龜頭底部與包皮之間嘅連接位)開個窿仔，將鋼珠(或其它物體)放入去。
植入方式主要分兩類：(1)珠仔被固定，唔會會走珠；(2)珠仔冇被固定，喺包皮入面好似六合彩攪珠咁四圍貢。後者可能發出撻撻之聲響。有時幾粒“龍珠”聚埋一齊，亦可能會意外“銀”傷JJ。唉，自己搵自己笨。
據聞，玩呢味嘢嘅好此道者以踎過監嘅江湖大佬為主。
點解？我諗可能係監獄生活無聊啩，玩到冇嘢好玩，搵支牙籤喺包皮篤個窿，放幾粒波子(飲彈珠汽水時留低)入去，條J睇落變粗邊dur，真係何其威猛。幻想將來出返嚟，可以impress啲女。
有啲迷信嘅大佬認為，鑲珠有辟邪擋煞之效。所謂“九珠大連環，一世有運行”。又，傳聞中，集齊七粒珠，乜鬼願望都會成真(查實係漫畫情節嚟，啲傻佬又信...
)
至於馬毛、鮑魚刷(牙刷)、鬆糕(我估係指頭髮)等等只係植珠嘅變奏。做法係將一小撮馬尾毛或牙刷毛或頭髮植係包皮上。插入時增加磨擦嘅感覺。馬毛質地柔軟，但夠韌而不失摩擦力。提琴嘅弓就係用馬毛造，連鐵線都磨出得聲，甚至鬼殺咁嘈。馬毛磨西，感覺可想而知。
