打印

熟女自述(續)　#30,42,66

收藏 | 訂閱

71 33.1k

jameson

新手上路

Rank: 1

jameson

發短訊

加為好友

1^# 大中小簡繁發表於 2014-11-24 只看該作者

熟女自述(續)　#30,42,66

我諗咗好耐到底自己的故事仲寫唔寫落去，因為每次寫都好似勾番起啲舊事，而有啲野其實都唔係好想提。不過寫咗出嚟，又好似有個機會俾我自己重溫番，雖然係有唔開心，但亦有開心野，況且，寫出嚟個心好似舒服啲，心情都輕鬆啲。所以我決定再寫，但離婚那一段就唔寫啦，果個真係唔開心，總之，上一篇寫到離婚……我唔想再提呢作事，或者同佢結婚根本就唔妥！
從提出離婚到搞手續果幾個月，真係人生中好黑暗的日子，每日都好消沉，自信心好低，成日長頭髮遮住塊面，出街都垂低頭唔想同人有眼神接觸。一講就喊，好在有班朋友、同事支撐住，輪流陪住我食飯，每個周末都同我行街散心。父母叫我搬番去住，我返去住咗兩個月，因為成日同朋友出街，有時又夜返，兩老又擔心，諗諗下不如搬出去住。父母當然好反對，佢地成日驚我做傻事，我雖然係傷心，但未至於咁傻，花咗好多唇舌先勸服佢地。以前想日諗住蓄錢，依家唔想咁多，及時行樂好過。我自己租一個細單位，㨂個新樓盤，租金平啲，又樣樣新簇簇，搵盤、買家具之類野好花時間，自己故意搞到自己好唔得閒咁，亂諗野都少啲。
差不多要八九個月，我啲心情先叫做平復得七七八八，先叫做開始適應一個人的生活，但係有時三更半夜，都會札醒，覺得一個人孤零零咁好可憐，朋友同事都唔可以日日顧住你，周未我都唔好意思成日找住人地陪，人地都有自己的生活。
　呢段日子，真係過緊無性的生活，做愛當然無啦，連呢啲念頭都唔想面對，有時見到電視裏頭啲主角親熱，我都想轉頭，因為我馬上就會連繫到以前的日子，我所有經驗都來自於我以前老公，你話我點能夠唔觸景傷情呢？所以差不多一年，我好似真係有性冷感性潔癖咁，唔想睇唔想聽唔想諗。
　　離婚頭幾個月，啲同事朋友好心地，成日話介紹男仔俾我識，我心諗，自己離過婚，似終選擇有限，所以一直都唔積極，亦唔想面對，對自己無咩信心。我有一個密友同事，佢都未結婚，同男友同居咗四五年，佢個人思想好開放，既唔怕男友識第二個，又話唔一定要結婚，佢成日話點解男人可以勾三搭四，女人就俾人話淫蕩，男人就叫風流？佢有時飲大兩杯仲會細細聲笑笑口話佢男人係床上唔掂，但就以為自己好勁，搞到佢唔知做咩表情好，笑死我。呢個同事成日俾信心我，佢話我皮膚又白滑，身材又好，又靚又有學識，唔使憂。對於佢啲恭維野，我唔會信晒啦當然，皮膚呢家野就真係遺傳天生，我阿媽都如今都好滑同白，雀斑都無乜，我去親買護膚品化妝品，啲sales例牌賣口乖讚到我天上有地下無咁。可能皮膚係我對自己最有信心嘅野。身材我諗幾OK啦，應大就大咁啦。仲有一樣野我覺得幾好，但係無人讚過，就係我覺得自己腿型幾靚。好多女仔對腳都粗又短，一係呢就Ｘ型，我對腳好直，唔敢講係長腿，但係夠直同埋皮膚夠細緻。我到中四都仲有跳芭蕾舞，但無練到對腳起晒肌肉。
　　講番個同事先，佢都係其中一個成日陪住我散心的好人，佢好鍾意試新野，周末會帶我去探險，去一啲未去過的地方，去搵野食啦，去逛啦咁樣，佢飲酒但唔食煙，我話佢想皮膚好啲就唔應該飲酒，佢塊面有啲好細的粒粒，我覺得同佢夜瞓同飲酒有關係，不過佢話佢男人食煙，仲衰。
正因為呢個同事帶我去酒吧，結果開咗我的眼界，等我感受到另一啲嘅生活，見識到一啲另類的人。我由細乖到大，無蒲過，以前讀書聽到酒吧印象好負面。呢個朋友帶我去過好多間，銅鑼灣、灣仔、中環，仲有酒店裏頭的吧都有。佢話自己讀大學已蒲酒吧，查實我初頭同佢去，覺得好嘈，好多人，空氣又焗，但係當時係人生低潮，去呢啲地方熱鬧下，好似日子易啲過。
　　去酒店的吧通常我地都係同公司其他同事一大班一齊去，但如果係我地兩個，佢就帶我去中環多，蘭桂坊啲吧我鬼識，佢知好多，邊間音樂好聽，邊間靜少少，邊間有live band之類，仲有邊啲係基吧，邊啲有好多人出嚟搵食識女仔，佢講一大堆。佢話出面啲人成日以為蒲吧易出事，佢話唔係，佢自己咁多年咩事都無出過，只要自己清醒，咩事都無，如果你想有事，只要你情我願，咁唔算出事喎。就係咁我在其中一次去酒吧時，識了一個人，令我的生活翻開新的一頁。

[ 本帖最後由 jameson 於 2014-12-26 11:25 AM 編輯 ]