小男孩的第一次失戀, 內文no sex
最近失戀, 好想搵個地方打篇文發洩下, 本來想打上FB 啲SECRET到, 但又驚比人發現, 所以揀左係到post文, 希望藉住文字分享下自己啲感受, 我唔鍾意拖拖拉拉, 會一次過打哂篇文。但講明先, 文章冇sex..
呢次係我既初戀, 20歲仔先第一次拍拖, 不過與其話戀愛, 其實似曖昧多啲。我自問外在條件唔差, 六尺高, 1米8幾, 鍾意做運動, 做gym, 跑步咩都岩, 份人外向, 唔睇韓,日劇… 中學時都有女仔approach 過我, 但係因為覺得對方唔岩自己, 所以都費是哂大家時間。而且我唔係咁易對女仔心動, look back返過去廿年既生活, 其實真正鍾意過既女仔得兩個。
我性格可能唔係好識表達自己, 好多時講左一啲人地唔想聽既野, 重點係我唔知得罪左人, 份人啲行為又有啲急咁… 所以一直都冇拍過拖, 其實拍左拖之後, 女朋友都mention 過我既問題, 我都一直比心機去改… 講返同佢既野先..
佢叫做A 係一次機緣巧合咁認識既, 詳情唔講啦, 怕你地悶親-.-.. 我地識左唔夠1個月, 就開始拍拖, 但實際上真正係埋一齊既日子我都唔知.. 岩岩識佢果陣已經好投契, 算係好多野可以share 到比大家果隻, 識左幾日已經不斷wtsapp, 就係咁就同佢熟左… 果陣佢已經拍緊拖,(呢段係佢第二段戀愛), 佢同當時既男朋友一齊左差唔多一年, 我果時其實都冇咩非份之想。
之後同佢愈傾愈密, 知道佢同男朋友關係好差, 個男仔完全唔鍚佢, 唔尊重佢, wtsapp 猩10個可以佢一個都唔回, 仲要佢隨傳隨到果隻, 只要個男仔想要人陪, 無論A做緊咩都好, 都一定要即刻出現, 好多時A同朋友出緊街都要即刻放飛機, 因為咁樣其實已經激嬲佢身邊唔少朋友, 但A佢冇介意過, 仲每次都笑住咁對佢男友。佢男友仲有好多好多仆街野, 但A都冇介意過, 就連自己第一次都比左佢, 所有唔開心既野都自己一個密密承受。
知得愈多A既故事, 覺得佢好慘, 而我地既關係都昇華到佢另一個階段, 每晚傾唔夠兩個鍾電話都唔收線, 稱呼都愈黎愈親切, 但當時, 佢仲好愛佢男友…我同佢出街都愈黎愈密, 一個星期閒閒地見五次面 (果時暑假), 同埋, 我地開始有啲好親暱既行為, kiss, 係公園到除bra愛撫等等, 但冇啪過。佢當然仲未分手, 我知我衰, 我唔應該咁做。
之後有一次a送禮物比佢男友, 因為少少既誤會, 佢男友屋企人以為a係坊間果啲物質主義果啲港女, a即刻打比我, 問我點算.. aunt會唔會第時唔比佢入屋果啲… 佢仲講左句… 「我諗住同佢一世架..」當時, 我個心好酸…
冇耐, 佢男友突然無理提出分手, 我記得果時我係商場行緊街, 收到佢電話, 佢係電話到喊到講唔到野, 我一直安慰佢, 但佢依然好傷心, 同埋諗辦法同佢復合。一日後, 佢cool煲成功, 好開心咁係電話到同我講, 仲有句「佢當時從後攬住我, 果個感覺真係好正呀!」
唔夠一星期, 個男仔第二次突然提出分手, 佢早上留係屋企到喊, 我不斷咁約佢出黎, 想同佢散下心, 最終由下畫3點陪到12點。夜晚兩個人坐係公園傾計, 我借個膊頭比佢喊, 比個心口佢打, 只係希望佢可以舒服啲。第日, 我不斷咁遊說佢唔好再中個頭落個男仔到, 佢都慢慢接受我既意見, 復合一事都擺埋左一面, 但其實佢仲好愛佢男友..
同月月尾, 我第一次同佢上床, 當時, 我地識左大約兩個月。呢一次都係我既第一次。我好想同佢昇華同去另一個階段, 想照顧佢, 想同佢一生一世。不過其實我冇同佢示愛, 只係好間接咁講, 佢之後同我講返, 唔想呢頭甩拖果頭拍拖, 唔想比人覺得佢個形象係咁差, 我話ok, 但打後既日子我地既關係, 行為同男女朋友冇分別。
打後五個月, 果段日子我地都相處得好開心, (detail野費是打, 如果你地真係想知我再補返啦), 我一直都冇表白, 因為我覺得我地既關係已經去到果個stage. 佢會係我屋企過夜, 一齊溫書, 行街, 著 couple tee出席 gathering 上床 etc… 但佢依然唔想公開我地既關係, even身邊所有人都知道 本來一直都相安無事. 我地仲plan 左sem break 去旅行
點知, 去完旅行之後返黎第二日, 佢話不如我地做返好朋友, 因為佢真係放唔低佢個ex, 原來佢一直都冇真正咁愛過我, 佢嘗試過做好多好sweet既行為, 製造甜蜜既感覺, 點知最後發現原來係唔work. 佢唔想再拖落去, 佢知我係一個好長情既人, 再拖落去之會令我更傷心, 所以佢決定斬攬。之後我地約過出黎傾, 佢一直都仲未擺低佢既ex, 有好多時我地一齊做既野, 佢第一時間唔係諗起我, 係佢。 就算佢同ex一齊, 過住啲冇尊嚴既生活, 但佢都好開心, 因為a真心愛佢, 而我, 就一直都比唔到果種感覺佢。我果時真係好sad, 係屋企喊左幾日, 明明兩日前大家係香港機場都仲好地地, 明明早幾日佢個status 係啲一生一世既情歌歌詞, 明明旅行果4日我地先影左過百張閃到爆既合照, 果種心情既落差, 實在好難用筆墨去形容, 打到呢到.. 我又喊左…
