遲左真是唔好意思, 今個星期真是好忙, 不過過埋今個星期我就可以準備收爐提早過聖誕節。
-----------------------------------------------------------------------------
Y: 我男友係咪有第二個？個女仔佢係咪同佢一齊去歐洲做野？
D: 佢有冇第二個我唔敢肯定，不過G同我講晒你們兩個Ｄ野。
Y: 。。。。。。。。。。。。。。。
根據Y的描述，G通過FB跟她攀談，之後砌詞我跟女同事有染，之前都講過，由於Y對我一直缺乏安全感，她好易就相信
G, 最後喝至酩酊大醉，最後就去左酒店。
Y: 我果陣話唔想返屋企，冇想住發生任何野。
D: 你會唔會太天真？
Y: 我有叫佢停手但係果陣飲得太醉，跟本反抗唔到，其間只有不停喊。
完事後，他們在床上待至天明，Y酒醒後去了買事後丸。
D: 第一次都可以話係飲大左，但係G話你地之後仲有去佢屋企。
Y: 我唔知應該相信邊一個。
D: 有兩樣野我好肯定就係
G 係到作野，另一樣就係你男友打算歐洲旅行果陣同你求婚。我唔明點解你會相信一個識左冇幾耐的人都唔相信你男友?
之前都講過，由於Y對我一直缺乏安全感，對於G的說話，她深信不疑。其實最初我都好疑惑，在沒有任何前科之下，點解可以咁易信一個人？不過想想下，這個世界上連千年虫咬人、性交轉運、瑪雅預言世界末日都有咁多人信，其實有什麼稀奇?只是冇想過冇智慧果個係我身邊果個。
到底Y點解會第二次去G屋企，Y沒有給D一個明確的理由。不過根據D的說法，Y竟然有一刻考慮同G一齊，這一點令我十分費解。即使我跟Y分手，Y也不需要把擇偶要求降到咁低，佢冇必要選擇G.
Y: 我應唔應該同男友坦白？
D: 如果你仲想一齊，就唔好同佢講，冇一個男人可以接受。
Y: 我明白的。
D: 你知唔知你們有影到親密照？
Y: 我唔知，我太醉。
D: 我睇過，雖然未到陳冠希呎度，但係都過左火，揚左出來好難解釋。
Y: 如果佢夠膽流出，我一定告硬佢強姦，最多大家身敗名裂一齊攬住死。
（到底應唔應該信D同Y呢？待續）
