引用:
原帖由 JSSWF 於 2015-1-25 10:58 PM 發表 
師兄，我真比較笨，可以做啲咩？可以舉例下嗎？
我唔知你仲有無其他狗狗.
有既,其實可以定個日子,為而家既狗狗,同走左既狗狗做D慶祝或一D野.
如果無,不如都定個日子,為你同你老公一齊做D野.人好奇怪,一定會問,咩日子,點解,為什麼,巴巴啦啦~~~~
我有次執野,睇返前年去韓國旅行,果次好攰,因帶大女去玩,但果次係影相影得最多既一次,點解?因為有隨團攝影師,我唔知大家會唔會.
但果次我買晒佢所有既相.除左幫到人,主要係我信九成人而家都用數碼相機,但大家對上果次晒相係幾時,幾多張呢?
日子是會過去的,過去左才知錯過左,要懂得珍惜過去,先唔會錯過回憶----的機會.
女人角度,明明條佬嫁佢時有型靚仔,點解而家有肚腩,鼻鼾同成個大細路咁鐘意左打機既.
我可以講俾各位女仕知,男人去HOTTOYS買3000蚊既IRON MAN,什麼超合金魂,晚晚成個傻仔唔停咁打機,其實都係細路時錯過左,而家想搵返D回憶.男人會係妳地面前流露幼稚既一面時請諒解,因為有可能佢唔想對住妳,但更有可能係妳地面前佢先可以放下裝甲,最真一面對住妳.
女人唔明男人係正常.因7成女人都係先說話.而男人,都係用行動代替說話.不是嗎?佢買GAME,打機,會先問妳嗎?不會.但佢想,好想.
同樣,佢好想,只為自己,佢行動快速.但如果有埋妳呢?
OK,綜合下先,妳可以搵一日,半日,同佢講,叫佢留俾妳.跟住妳地去一D地方,係屬於妳地既回憶就得.
又或你可以去佢想去既地方,陪佢行下睇下野.男人,當睇自己鐘意既野時會成個小朋友咁,目不轉睛.你留意到,可以跟手買下送俾佢,唔好以為呢招對女人WORK,對男人一樣WORK.
對上果次晒相係幾時?不妨影多D相,將以前而家既都晒出黎,2R就夠,每張相背部寫下時間地點目的,儲夠50,60張一齊分享,有妳,有佢,有牠,冧到核爆.哪怕是無聊的照片,只要主角是你們,那一刻整個世界就是你們,整個二人世界就只有你們,咁已經足夠.
仲想要多2招?仲唔明,咁.....唔該整個甜品俾大家食下先,HAHA..................
記住,要引導啊~~~~有左相,下一步唔使我教啦掛.
