引用:
原帖由 賓琪步 於 2011-3-7 03:55 AM 發表 
俠兄, 我估你應該會明白我多D, 我唔想提起之余, 結婚的相及錄影, 我到而家一次也沒有看過, 我一直在逃避著不提自己已婚, 我自我催眠自己, 就當什麼事也沒有發生. 我的生活也不似已婚, 只似搬出來住而已.
我和老公 ...
嘩,睇完妳兩大段剖白我真係覺得好驚訝!!!!
你應該係突然間好down好down,先有衝動爆哂D野出黎!
咁你又放心,我又唔會嬲妳既~
睇見你話覺得內疚,算妳啦
只係好.....好好好好驚訝!
既然妳都知道佢唔行動,最大原因係妳XXX(妳唔想提,我都唔打出黎)
咁,妳係咪先應該把他放埋一邊,
處理左妳同妳老公段關係先呢?
喇,我直覺覺得,真係直覺冇任何理據support ga,所以可以當我呢段說話發up瘋:
我覺得,你未必真係鍾意呢個男人,
只不過,咁啱,他出現喺你同你老公感情有問題既時候,
而他又比到愛情感覺你,
同時你又對你老公冇哂感情,已經冇愛了,
你想結束同老公段關係,但又冇勇氣,因為可能拍左好多年拖,又有婚約在身,又怕面對家人,無法向人交代等等,
他,就係你打破困局既希望;
你希望他可以成為你退婚既理由,因為唔係咁,你冇其他藉口比自己,更加唔會有勇氣...
事與願違,他冇表示你又鬥氣,,再加上之前種種既顧慮同壓力,
造成今日既局面
但係,婚後你成日諗,如果他當時有表示,你今日就可能擁有愛情,而唔係同一個你唔愛既男人經營一段不愉快既婚姻,
而如果,他依家有表示,可能就係你離婚既動力;
你把一切希望或者改變既動力寄託喺他身上,
其實你可能只係求變,只係求打破現在既困局,你未必真係鍾意他
