聽到句「I love you...」，個心好甜，同時又好驚，因為無諗過會係K把口講出嚟。同佢嘅關係一直都只係建基於性，亦無expect 離開台灣後會有下文，雖然我都覺得自己有d鍾意左佢，但我完全無諗要同佢發展。另一方面，我都同自己講，佢可能只係一時間衝口而出，唔一定真係有咩意思，自己千奇唔好有任何期望。
因為食埋野時間都唔早，我地就唔去海洋公園，改為坐天星小輪過海，再入左赤柱行下。佢話我知留多三日就走，聽日照舊同P一齊去玩，之後兩日就要我陪佢一個。佢仲話同P講左我係佢女朋友，我聽完呆左望住佢。。。
我「你不是說不會交女朋友嗎？」
K「我騙他的，我不想他追你呀！」
我「你是誰呀？你說是就是？有問過我嗎？」
嗰下我真係著著地，佢點解成日都咁霸道？
K知我嬲，但又無再講d乜，個氣氛即時好怪。
行左陣我地就係間餐廳嘅露天位置坐低左，對住個海好舒服，心情都好番少少。我地開左支酒，一路食一路飲，氣氛好番d，但兩個都唔想再提之前個話題。好奇怪，我一直都唔想同佢攪清楚個關係，可能係怕一旦講清楚，大家都會有壓力。同佢就似而家大家成日講嘅SL 關係，我真係唔想改變成為情侶，可能我對佢無信心，覺得變左男女朋友後，大家都會苛索多左，關係就會變。。。我相信佢都係咁諗。
當晚食完飯我地就各自返左酒店同屋企，第二朝一早我又去酒店同K & P會合，再一齊入南丫島。因為K之前講左我係佢女朋友，所以P都好識做，唔會對我過分親暱，不過我地三個全程都有講有笑，P係一個成熟風趣嘅男人，而K亦好識攪氣氛，就咁睇我的確唔覺佢兩個有心病。食海鮮時，趁K去左廁所，P就成機問我。。。
P「Christy, 上次問你還說不是K的女朋友？是害羞嗎？」
我「其實說起來有點長，對不起，我不是故意騙你的。」
P「沒關係啦，我把K當弟弟，他有你這麼好的女朋友，我很替他高興！」
我「P，謝謝你！」
P「只是.... 你了解他的過去嗎？」
我「他有說過一些，但其實很多我都不知道。」
P「那就留給你自己發掘吧！只是，你別看他那麼強，他是個受過傷的男人，你要好好對他喔！」
P咁講完，攪到我對K好好奇，同時亦突然感到一點點嘅壓力。
我應承左K今晚會係酒店陪佢過夜，所以我地就一齊返左酒店，可能知道有漫漫長夜，佢無好似以前咁心急攪我，大家沖完涼就攬住係到睇電視，睇睇下我仲訓著左。訓左陣，佢就叫醒我話肚餓，想去食宵夜，我仲記得我地去左當年係廣東道嘅糖朝食，e間野原來好多台灣遊客鍾意去，K都係聽朋友介紹。食左陣，我電話響，一睇竟然係A。。。
