忙左一排好耐冇上過黎update la.. 趁有d時間update返先..
不過今次呢個係甜為主.. 始終我覺得佢都係一段好深刻既回憶..
希望唔會悶親大家la..
當我地幾個女仔定好晒日子同地點bbq之後, 大家都好期待果日有咩玩有d咩既男仔..
諗左好多唔同類型既game, 有d咩獎罰等等..
我個fd T小姐佢同男仔果邊既搞手係本身識既, 所以就搵左佢去8下有d咩男仔去喇..
T小姐話我地呢邊5個女仔佢地就3個男仔, 年齡都係30以上架喇, 當堂我係失望既..
T小姐好快就睇穿我諗咩啦~~
T小姐: 知你架啦..要d花o靚"ken"喔嘛~~
我: 你知就好啦.. 你地宜家叫果d全部都30幾唔岩我wor
T小姐: 我同左我個fd講架喇, 佢話會再搵下, 佢應該有個fd都ok既, 同你同年架
我: 係至好呀~~如果唔係我唔去架 (被打mode, hahahaha)
咁過左一兩日, T小姐就有好消息俾我喇..
T: 喂~~我個fd話個男仔ok呀~~果日都會去呀~~仲幾好樣tim架喎~~
我: 咁正~~咁我咪要期待下囉~~
T: 岩啦~~佢同你都住附近架~~到時佢會送你返屋企架喇~~其他人我都分配好晒
真係好搞笑..我地真係每人mark左一個咁..咁岩佢地對後生仔完全冇興趣..
所以順利成張冇人係會同我爭既
好快就到左bbq果日喇..
我地係去d自助燒烤場燒..果日仲鬼死咁大風.. 凍凍地..
一開頭只係到左T小姐個fd同另一個男仔.. 咁大家介紹下之後就吹下水咁啦..
一路吹水我個心一路期待緊果個男仔黎.. 終於等到佢B先生同另一個fd到喇..
初初見到佢其實我係有d失望既.. 心諗: 又話幾靚仔既?都唔係既......
不過一路燒野食一路吹下水玩下既時候.. 我不斷留意佢.. 其實望真d係唔差既..
大家食左一陣就開始玩遊戲.. 分組玩估動作.. 真係好好笑好低能..
但奈何個場又唔係大.. 我地都玩唔到幾多野.. 所以好快就決定左去第二度空礦d既地方再玩喇~
咁我地分批坐佢地車去, 我同T小姐仲有B先生一架車, 成程車都好好笑, B先生都係一個幾搞笑既人..
傾傾下好快就到左目的地喇, 咁我地就攤晒係個地上面, 望下星星講下笑咁..
之後就玩埋D低B野.. 即係學生時代果D咩捉黎捉去呀... 好耐都冇試過咁開心咁低能咁笑..
玩下玩下都好夜.. 兩點幾三點.. 大家都攰喇.. 所以就開始散BAND..
而我就當然由B先生車我返屋企啦~~ 成程車大家都冇停過.. 講左好多..
而佢亦都有問過我有冇男朋友.. 但係我竟然答冇呃左佢:smile_13: 唔知點解唔想俾佢知我原來結左婚..
不過到左第二日我都有同佢講返個事實出黎:smile_30:
就係咁.. 開始左我地曖昧既關係
打住咁多先啦.. 下次再UPDATE..
[
本帖最後由 oreobb 於 2015-3-6 04:55 PM 編輯 ]
