引用:
原帖由 王子基1988 於 2015-3-8 04:35 AM 發表 
多謝師兄關心！岩岩同老婆做完2次傾左陣。內容無提到whatsapp，只係話我覺得你果行D人好複雜，不如唔好做，或者轉行。
咁佢好驚訝問「下點解，毛啦啦咁講」
咁我唔懂點解釋好，想直接講又up唔出，我吞吞吐吐話自從 ...
其實咁樣都已經算傾左了，因為已俾左個訊息佢知，你已經發覺大家之間好似出了點問題，其實無講重點都係一件好事，個人建議你由現在開始，都唔好再提任何有關你老婆可能出去偷跳的事情，當佢係之前未同你結婚嘅佢，不停氹吓佢，錫吓佢，多啲wts佢，佢放工返嚟多啲同佢傾吓計，或者你可帶埋個女去接佢收工，總之令佢知道你係好愛佢嘅嘢都全部都去做哂，希望佢記得返自己有個家，有個好老公，有個乖乖女，呢啲叫打心理戰，至於後果如何，一切就睇你哋大家嘅做化，和大家之間嘅感情去到邊度，其實我都係過來人，我非常明白知道你而家嘅感覺，記得記得，就算最後要分手，都唔好講啲傷害大家嘅說話，因為你哋之間有個女，在未來的時間裡仍要有很多的聯繫，而我睇完你呢段說話，我覺得都未去到好惡劣嘅地步，心～盡量給他知你的心意，努力去維繫修補關係吧！
其實如果你直接問佢，迫虎跳牆，好大機會受傷的都係你自己， 如要再討論，應該避重就輕，暗示俾佢知就算了，年青時候的我，和前妻都發生同你一模一樣的事情，以前自己幼稚，咩都要尋根究底，同佢切切實實傾完她便走了，所以我才建議你打心理戰，盡量去愛錫佢，諗辦法唔好俾咁多時間佢，要佢盡媽媽嘅責任照顧囡囡，但故事都不可一概而論，你應該仍有機會留得住老婆。
還有一點，你唔好再諗什麼你幾辛苦賺錢回來養家，這是你必須的責任，係唔應該需要人嚟欣賞你，你應掉轉頭諗吓，個女人跟得你，犧牲自己的青春，犧牲自己生完bb後身體的改變，其實佢付出嘅絕不俾你少，如你有咩諗唔明或者都可pm我講吓，幫到嘅我都會幫和俾吓意見你。
