諗緊，咁複雜嘅心情。是否寫下呢個update...所以，我盡量。
上天好奇怪，總會係我失去一樣嘢嘅時候，比翻一樣嘢我，我多謝上天對我嘅厚愛。如此厚愛我呢個女魔頭。
上一個天蝎座嘅離開，係Jeff同我個奴翻嚟填補空隙。
而當隻奴又無緣無故消失，Jeff又半冷淡狀態下，第一個天蝎座，突然翻嚟我身邊了。。。
就係呢個天蝎座，令我對所有天蝎座有所恐懼，知道佢地擅長耐力戰，佢地善於將愛埋藏係心深處，佢地不善表達對你嘅愛。
由f3開始認識，到宜家呢個年頭，大概都十幾年了。
由我初戀開始嘅陪伴，到宜家現任。唔可以話你時刻洗我身邊，但我嘅一切陰暗面，你都知道。甚至宜家咁糜爛嘅生活，你都知得一清二楚。
雖然已作人夫嘅你，但仍為我留下一個特別嘅位置。
你心痛我，你會妒忌。
直到10年後嘅今日，我先知道你真的曾經愛過我，但你太熟悉我脾性，知道我或許不會為你而停下。但或者，以為最了解反而最唔了解。
你擔心我，關心我，愛我。好暖。。
你話你做唔到我嘅sp或sl,因為你嘅愛好自私。而我都覺得，同你，最好嘅係，相見不如懷念。見咗，反而會不知所措。
天蝎座果份深厚嘅愛，好重，重到，我知道後，抖唔到氣。。
但我依然慶幸，身邊有你呢個密友。
多謝你。Niko
