那些年我與完美女人的故事
故事少甜, 慎讀
唔知大家對完美女人既定義係乜野, 如果我話係樣靚, 身材勁, 白滑, 溫柔細心體貼, 入得廚房, 樂觀, 床上功夫了得, 任勞任怨, 事事以自己男人為先, 咁係咪已經好完美? 如果我所講既呢個女仔, 佢仲包括唔貪錢自食其力, 將自己唔開心收埋唔俾你知只係想你開心, 給非常大既自由空間自己男人, 無欲無求, 孝順, 咁係咪連日本漫畫都寫唔出?
女主角暫叫TS, 佢唔係香港人, 係好多香港人都唔鐘意既大陸女仔, 不過小弟對大陸女仔冇偏見, 因為差既係好差, 但好既真係好到冇得頂, TS就係我見過呢個世界上最好既女人。
話說當年我起大陸開過服裝店, 晚上收工自己就會座鎮, 由於附近真係有不少風月場所, 每次見到打扮得好索既女人, 我都第一個反應係「又係雞」。
雞有雞好, 因為搵到錢係衣食父母, 買野豪氣, 當中有幾個大客仲做左朋友(冇邪野), 而由於呢個原因, 每次見到有番咁上下既女仔, 我都第一個反應係「又係雞」
某一日TS出現了, 佢打扮其實普普通通, 但紙係包唔住火, 佢對巨乳就算著HEA衫都係好明顯, 而TS同佢朋友W一齊出現, 當時係W想買衫, 但我好主動去SERVE TS, 索呀嘛, 做下朋友都好, 不過後來咩都冇買就走, 我已經好想再見TS, 因為TS唔似雞, 佢好清純, 講說話好乖, 好正經。
之後某日好多客入左來, TS同W又出現, 我把握住機會再同佢地傾偈, 我知佢2個好FD, 所以都有SERVE埋W, 我向W提出我就黎收鋪不如食糖水啦, W貪小便宜想去, 就叫埋TS去, 其實我主要就係想約TS啦。
終於去左, W原來想自己攪小生意, 我就真心分享左意見俾佢, W同TS都好用心聽, 就係咁TS覺得我個人唔錯, 同我交換左CONTACT。
第二日W又來我間鋪, 帶埋TS, 今次TS著一件T恤, 我可以話俾你聽4個字, 巨乳峰腰, 再多4個字就係, 天使面孔, 身材真係好到爆, 作為男人當然不停及住佢個樣同BODY啦。收左鋪後又一齊食糖水, W自己走左先, 我竟然就同TS起間茶餐廳度傾偈, 傾到零晨3點, 佢話左我聽關於佢同前男友既事, 原來佢單身中, 前男友都係香港人, 不過已經有左第3者而分開, 我當時覺得「仆街, 咁撚索咁撚好既女仔你都仲要搵第3者? 冇撚野呀?」不過多得佢, 我同TS就由呢一晚開始, 連續3晚每晚都傾到零晨5點先走, 第4晚, 我終於上左佢屋企.....
