過去的已成過去，回想也只是回憶
好耐無上黎discuss lu, 唔知有無d 舊版友仲有玩呢@@?
我都有一段時間無上黎引版追post~ 不過依排突然發生左d事, 令我聯想係依到
所以就上返黎分享下,,,
大約半年前, 識到一個女仔, 下稱B
簡單介紹下B, 22歲, 160cm 高, 身材有C~
有一晚, 班fd 急call出去打邊爐, 順便出去慶祝聖誕節
當晚天氣都幾凍, 出到去既時候, 已經齊人, 跟住就出發搵間打la, 9點半後有平
一坐低既時間, 突然發覺好似多左個人, 當時行無留意, 掛住同d fd 吹水
跟住揀完野食就問隔黎個fd, 坐係ar健隔黎果個係邊個?
個fd一講原來係之前係bar 到認識, 跟住熟左, 見佢聖誕單身一個咁悶就叫佢出黎熱鬧下
當時無咩點為意, 因為佢好靜,,,, 好快打完之後就去尖咀海港城果邊行下
真係好多人~~~ 倒數完之後我就走左,, 因為我仲有下場!!
下次再見到個B 既時間已經係2個星期後~ 其實我個fd就想溝B, 不過條友又淆底約人出去又要叫埋我
心諗: 係要溝就大大方方, 都唔知點解要淆底~ 2個都係單身, 岩就岩; 唔岩咪做朋友~
anyway~ 睇完戲之後食埋野就散水, 因為B 住得比較遠, 係新界盡頭咁濟, 我同個fd都住九龍既
當時都已經係12點到, 1個女仔夜媽媽自己返屋企都危險, 所以我就叫fd送B 返屋企 (比個機會佢加下印象分)
點知條友趕住同同事出去飲野-.- 最後變左我送B返屋企 (變左好似我溝B咁)
時間比較夜所以我就同B搭的士, 初初B話唔好, 因為貴~~我就同佢講: 果100幾蚊有幾貴, 安全緊要
況且果頭我都有通宵巴返九龍~ 送到佢屋企樓下就走, 一掉轉頭佢就嗌停我: 我都未知你個名
我講完之後就交換左電話....
如是者下個星期收到B wtsapp 問: 可唔可以陪佢睇戲 ? 當日收工就出左去
套戲其實幾爛, anyway~~ 之後買左少少野飲行左去青衣海傍, 因為仲係冬天, 加上海風
見到佢縮埋一舊, 所以除左件褸比佢..跟住挨係欄杆吹左陣水, 講講下開始眼濕濕..
話無人試過咁對佢~~ 我問點對佢? 後尾先知佢之前男朋友無送過佢返屋企同為佢披過一件褸~
聽到依到唔知條筋痴左邊到就一手攬住佢同佢講: 不如以後就等我為你做更多你未嘗試過的野 ?
佢無出聲, 淨係點頭~~ 之後就開始左我地的關係,,, 雖然依段關係唔長, 不過都好似標題一樣
過去的已成過去，回想也只是回憶
遲d 會打埋果段時間既一些性生活 ~~~~
