[隱藏]
http://www.188channel.com/viewthread.php?tid=22183628&;highlight=
http://www.188channel.com/viewthread.php?tid=22908153&highlight=
其實呢一篇野,係延續返之前呢兩個Post...
最近此諗返起之前我有寫過,但最尾係懶之過,爛尾收場...
但最近諗返起好多野,想將呢個故事寫返落去,直至結尾...
亦係比自己的一個交代...
13到15年,呢兩年我真係轉變好大...經歷左唔同既事,唔同既女人...
心態都唔同左...但有D人,有D事都一直留係我既心,一直想再去見,再去做,
但現實之中唔容許我如此,兩年後既我,已為人夫,做人爸爸...
而某D人,某D事,只能放在心底,只能在心中去懷念...
故事要從13年再講起,
當時同大波妹,y小姐係中山見過面之後,過左無幾耐就返左來加拿大,
返到來加拿大,開始厭倦左返學,覺得返來都係無意思,攝影,讀完同無讀其實有咩分別?
多左一張紙就可以証明你技術好好,多客搵你影相?唔好玩啦,我真係唔覺...
就係甘,我決定quit左個class...休息一下,搵下野做...畢竟我係中意做野多過中意返學既人...
係果段時間,我識左女朋友,做過幾份工,其中一份印像好深,因為無啦啦幫人搬屋竟然會有豔遇...
經過上次係中山比個暴發戶串完之後...我都覺得係時候要作出下轉變,
之前一條友渣電單車係幾型既,速度既快感,但只居限係夏天...冬天我都死死地氣甘坐巴士出門口,一係等人來車我...
於是我就萌生左個想法,想買返部四個碌來玩下,之後出門都方便d啊...就係甘無幾耐之後我就買左部人地改好哂,靚靚仔仔既萬事得RX-8返來...
亦都因為甘,係我係車呢條路上,成魔之路既開始...
果一段時間,買左車就成日周圍去,呢到影下相相,果到約下朋友食飯...久而久之就開始覺悶,係時候搵返份工來充實下人生...
於是就搵朋友A,問下佢有無咩工介紹...A就話你甘得閒,不如來我間搬屋公司幫下手啦,我唔夠人用...
於是乎,我就食甜筒甘樣走左去佢間公司到返Part Time...
仆佢個街,點之第一日開工就搬雲石櫃,果日收工真係連打飛機既力都無...
但日子耐左,習慣左...人都大隻左,去健身房既錢都慳埋...
返呢份工,我係同我朋友講我逢星期二休息,想陪我女朋友睇下戲...
但由於果排我GF都返左香港,我既星期二都只係係屋企訓覺...
但A就係果日十點幾就打來...睇下我得唔得閒,晏少少可唔可以入去M市幫幫忙搬屋,有位同事病左,差甘個人...
我見無事做,甘米應承佢,幫幫拖囉...就復返佢話晏少少我自己渣車入去,唔洗同事來車我走啦...
12點準時到,三個人幫個女人搬,D野唔多啊,但大件...
甘今段既故事就係呢位女客人...
第一眼望落去,中女一個,34左右啦,170-173甘上下高...身型幾瘦,但都仲有波...短頭髮,一身運動裝...
身邊仲企左隻大Poodle,望住佢,竟然對佢有興趣...唔好問我點解...我都只係知我對佢有興趣,無原因...
搬野既期間,我隻眼都不停甘打量佢,係呢個同時,我都見到佢係甘望住我...而係搬野既期間,我都發現左佢所有野都係女性物品,
無一樣係屬於男性既,從呢點睇到,我覺得佢仲係單身...
三個鐘頭時間,所有野都搬完...搞掂哂所有野之後,我同同事分開各自走...
我心係到諗...對佢有意思,但又無落電話,睇來都無機會啦...
渣車就快去到Highway口,同事打電話來問我去到邊,我就話係Highway口準備上,佢就問我可唔可以過來搵搵佢地,幫佢地囉返份野比頭先個客簽,佢地要趕住去做下單...我當然話好啦,有機會可以識下果個姐姐~渣車返到佢新屋到,按佢門鐘,打開到門,佢見到我之後有小小驚訝甘...我就話頭先同事有D野唔記得比你簽,我就囉返過來比你簽...呢位姐姐就請我入去等等,佢囉支筆先...佢簽完份野,就問我要唔要飲D野先走,頭先搬得甘辛苦...甘我見甘大機會囉,就老實不客氣地話好啦~
[
本帖最後由 約翰.走路 於 2015-6-1 12:58 AM 編輯 ]
