夜魔瞳

但係繼續發展落去G開始做左好多野，對我都好似唔同左，好似想引我注意咁，例如之前就算出街都係普通行下街食下野咁，但佢E+有時約我陪佢去呢度玩個到玩咁，變到好似成個細路女咁，同我行街有時又要撓住我隻手咁，搞到我都幾尷尬。慢慢S都好似留意到G對我既態度唔同左，但佢又唔敢直接問G，佢就問我，你覺唔覺G對你好似唔同左？你哋FD左好多咩？我話，覺得有少少喇，可能係FD左所以先係咁姐。S話，可能喇，不過你覺得佢會唔會係中意你呀？純粹係女人既直覺。我話，下，唔會掛，而且我都有中意既人喇，佢咁靚點會中意我吖。S話，係咩？咁...你中意邊個呀？我話，我唔想講喎。佢話，講喇，我想知呀。我話，E+未係時候，sorry。佢話，咁...算啦，唔緊要，我...都係八卦下姐。

夜魔瞳

對唔住各位，前傳部份我好似打錯左角色名(所以先唔想再用字母)，前傳部份係關於G同A兩個好姊妹，我打錯左A做S，(因為真人A個名係S字頭)，sorry咁多位

夜魔瞳

S係前傳部份應該唔會出現，sorry for my mistake

szetoafk

男歡女愛, 是旦啦, 未到埋單都唔知同邊個一齊

CYCN_E

一口氣追晒樓主的POST,
講真, D 關係真係錯中複雜, 複雜得黎又好吸引,
A S G既個性各有不同, 如果我係你我都唔識點去揀,
不過如果肯定自己只係愛某一個, 就應該專注係果一個
其他的就盡量避免單獨相處, 因為大部分的男人都會出事~
行錯一步就有機會返唔到轉頭~ 到時失去最愛就會好痛苦

夜魔瞳

多謝有新讀者加入支持，我會繼續努力打文架喇。

CYCN_E

期待下PART 劇情~~~

夜魔瞳

見有新讀者支持，今晚打多篇先訓。。。
咁有次A約我去睇戲，(我仲記得係睇《被偷走的那五年》)，咁大家有睇過都知係咩戲，咁佢全程撓住我隻手，好似真係一對情侶咁，去到D喊既位，佢就摟住我隻手係到喊，咁我就搭隻手去佢膊頭，比佢扒係我心口到喊，(我絕對唔係抽水呀，我唔想佢喊得咁辛苦咋)。之後，G知道我同A去左睇戲，咁好似有少少唔開心咁問我，做咩睇戲唔預我呀？我都想睇呀，我要你陪我睇補返數。咁我就話，要陪你睇唔係問題，但係其實如果你話做咩唔預你，你唔覺兩個女仔同一個男仔去睇呢D戲好奇怪架咩？G話，唔覺喎，你同佢兩個去咪仲奇怪，你哋又唔係拍緊拖。(我feel到佢有少少嬲，咁我都冇諗住駁佢)

夜魔瞳

繼續更新。。。
咁其實我慢慢feel到G係有D野，我又唔敢問佢，萬一搞錯左，第時咪面阻阻咁，尷尬死喇。但冇幾耐，我就諗到點引佢講多D野，有次我同G仲有A出去玩，咁就去左個靜靜地既地方玩真心話，當然，為左要佢講，就買左D酒大家一齊飲，等佢少少醉或者真係會講到出口。咁開始都係問D無謂野，慢慢先入正題，咁到左重點既時候，A就問G，你有冇中意既人？G話有。咁繼續喇，到我問佢，咁係邊個？佢話，唔講得唔得呀？或者咁，我淨係想同A講，佢係我好姊妹，比佢知先，我再諗下同唔同你講喇。(我同A一早已經計劃好，我當然冇所謂喇)咁佢同完A講，但都係冇同我講，咁我都冇所謂，因為如果真係我A會同我講。咁散左之後，我就message A問佢。。。

夜魔瞳

咁A就話，其實個情況好似都幾複雜，係或者唔係咁，我話，咁即係點？你講清楚D。佢話，其實係中意你，不過唔會中意你。我話，咁玄架？唔明喎。佢話，唉呀，我都唔知架，佢個心點諗我點知喎。我話，佢咁都叫講左？究竟係定唔係呀？A話，你咁想知做乜喎，中意左人呀？你自己問佢喇。但係我真係唔敢問佢，聽完A咁講，我覺得心情仲複雜，又好有好奇想搞清楚。咁我鼓起勇氣咁問G，其實如果我話我中意你，你會點？(其實呢招我係抄佢，haha。)G應該睇左段訊息好耐，先覆我，下？我話，做咩咁耐先覆既？佢竟然話，我以為你send錯咋，你知你架喇，我見你咁耐冇話你send錯，咪回下你囉。我個下心入面真係想爆粗添，乜有人收個訊息，仲要等下人地會唔會話send錯先回架咩？真係唔知好嬲定好笑。(不過其實個下真心覺得佢幾得意)我話，我冇send錯呀，係send比你架。佢話，原來冇send錯，你想我答？我話，係呀。(有人會認為問你問題會唔想你答？真係超級可愛)佢話，em...我會好開心架，不過算喇，你都係講下架姐，而且。。。我話，原來係咁，而且咩呀？佢話，冇咩，無謂野姐。(其實個時咁既情況，令我更加想了解佢多D，都愈來愈覺得佢好可愛)