valan

正!多謝分享

夜魔瞳

引用:

原帖由 valan 於 2015-5-11 03:21 AM 發表
正!多謝分享

多謝支持。

夜魔瞳

其實成件事都真係完咁濟，冇乜嘢可以再講。多謝大家一直以來既支持，有咩地方唔明既，歡迎提出，再作討論，另外，唔知大家對咩有興趣呢？我可以再補充一下，大家想知既野。

女林

咁快接近大結局？。。。

無得再追？。。。

夜魔瞳

引用:

原帖由 女林 於 2015-5-17 11:20 PM 發表
咁快接近大結局？。。。

無得再追？。。。

請問仲想再追咩呢？可以提出一下意見，我覺得都差唔多交代晒，除非你指既係前傳部份(未同G一齊)，但個部份唔屬於呢段三角關係，大家有興趣？

女林

引用:

原帖由 夜魔瞳 於 2015-5-18 02:14 AM 發表


請問仲想再追咩呢？可以提出一下意見，我覺得都差唔多交代晒，除非你指既係前傳部份(未同G一齊)，但個部份唔屬於呢段三角關係，大家有興趣？

都好喎，，分享下～～

女林

點都好，，多謝你咁耐GE分享

夜魔瞳

D排比較忙，唔得閒打文，sorry呀咁多位。
咁E+開始前傳部份。。。
咁我由啱啱識G開始講喇，有一次我同S兩個去行街，咁佢話佢有個FD想一齊去行下街問我介唔介意，咁個時心入面緊係介意喇(阻住我同S二人世界)，但我點會敢講出口，咁咪話唔介意囉，咁G黎左喇，Hi S，呢個男仔係。。。你男朋友？S就好尷尬咁話，er...唔係呀，你唔好嚇親人喇，普通朋友姐，佢叫XXX，你叫佢呀俊(唔係真名)得架喇。我就話，咁唔知呢位靚女點稱呼呢？G話，咩靚女喎，你第一次見人就咁口花花架，我叫XXX呀，你叫我G得架喇。我話，咁見到靚女都唔叫人好對唔住自己良心架嘛，haha。S就話，喂，你呀，見到靚女就無視我喇，哼。我就話，邊係呢？你都係靚女黎架嘛，我哋去行街喇靚女。(個時其實唔係對G咁大興趣，雖然佢真係幾靚，但係個時我同S瞹昧緊，個心飛左係S到)(不過個次話就話一齊行街，主要都係佢哋兩個好姊妹行，我變到好似佢哋個電燈膽咁，勁奇怪，佢哋成日細聲講大聲笑咁，又唔知佢哋講乜)

夜魔瞳

繼續更新。。。
咁至從個次第一次同G認識左，咁我同佢都有交換contact咁，個次之後我同佢間唔中都會send下message咁既。佢成日問我係咪中意S，我次次都冇直接正面咁答佢，因為其實個時我自己都唔知自己個心點諗，你話中意S或者係，又或者只係好感，而且我自己知自己事，我成日都只係玩玩下咁，究竟我E+係咪真係咁適合揾一個長期既另一半。(當時我其實開始想改我花心撩女仔既性格，想從下一段感情開始認真對待，唔想再過D咁虛幻既生活)咁講返有一次，S好唔開心約左我出嚟，咁我就出去陪佢喇，出到去見到佢，知佢飲左唔少，咁我就問佢做咩事呀？佢話同屋企人鬧交所以發脾氣出左黎，咁我都安慰下佢咁喇，佢突然訓落我大脾，佢話我係咪成日都好任性呀？比人鬧兩句就走出嚟，又咁夜都要你出嚟陪我。我話，其實都唔係吖，咁個個都有自己既問題同壓力架喇，我唔覺得一個人唔開心想出嚟冷靜下，同朋友訴苦有咩問題喎。佢話，多謝你呀，其實我成日都覺得好寂寞架，好在有你成日陪住我，就算有時我可能公主病發作你都唔會唔理我，我真係好開心架，如果。。。就好喇。我聽唔清楚佢講咩，我話，你話如果咩話？佢話，冇野呀，聽唔到就算啦。咁我都冇再追問，咁佢又話，呢度夜晚都幾靚吖，如果我哋可以晚晚黎散步，可能煩惱都少D。我話，係呀，呢度風景都OK架，如果可以我都唔介意晚晚陪你黎既。佢話，我都係講下姐，你邊度咁得閒吖，咁多女女，點會輪到陪我吖。(我個時比佢既印象始終係咁)我話，咩多女吖，好多野，你唔知姐，你以為我真係咁多女咩。(其實個時我同我之前D女仔斷晒D關係，一來係自己唔想再係咁，二來其實係為左佢)佢話，係咩？唔知你喇，你唔講我點會知喎，不過你唔想講就算。其實我個刻心諗，唔通同你講我因為你飛晒D女，跟住順便表白埋咁咩，真係好方便咁喎，唉，我點敢講出口，我自己都未有信心可以一下子改到，我又點敢去愛人呢？我諗諗下既時候，佢突然起身，問我，可唔可以比我摟下你呀？我好想摟住你呀，我覺得好孤單呀。我話，下，我都陪左你咁耐喇，仲孤單？佢話，你唔想咁算啦。我話，咁又唔係唔得既，你想摟既，幾時都可以摟住架。佢摟住我係我耳邊話，真係幾時都得？我好尷尬咁話，er...係...架。佢話，多謝你呀，但我想訓教都可以摟住你喎，haha。我話，下，但係...咁...我...er...唔...佢話，我講下咋，咁驚做咩喎，驚女朋友唔中意呀？雖然...我...算啦。我話，咩喎，我都冇女朋友，雖然咩呀？佢話，你冇女朋友？上次先見你一拖二喎，仲幾靚架喎。我話，下，係咩？邊有呀？定係...你...呷醋？佢話，哼，邊係喎，我...點會...呷醋，我只係...中意...摟住...你咋嘛，你...唔好...誤會。我話，係咩？不過算啦，唔緊要喇，有D野我一定要下定決心去做。佢話，嗯，加油呀，我會一直支持你架，好似你成日支持我咁。我話，多謝你呀，有你呢個朋友真係好。佢話，下，淨係朋友咋？我即刻好尷尬，咁...你覺得...我哋...係咩呀？佢話，係...好好....好好...好好...既好朋友囉。我話，咁有你呢個好好好好好好好好....好朋友真係好呀。佢話，嗯，不過你好似個傻瓜，haha，不過都好可愛。我話，係...咩...？(其實你仲可愛)

extko10

Thanks very much for sharing; good story, like it very much!