夜魔瞳

繼續更新。。。
咁就黎到佢哋既生日喇，(佢哋係同一日生日，真係唔知點解會咁巧合，所以佢哋真係十足兩姊妹咁)，A就message我話，er...你個日得唔得閒呀？我約左成班FD去唱K呀，如果可以...個晚黎陪我吖。我話，我都未知個日得唔得閒住呀，如果我黎唔到，你玩得開心D喇，係喎G呢？你哋一齊慶祝？A話，做咩咁問？你想同佢慶祝？你係咪中意左佢呀？早知唔介紹佢比你識喇。我話，做咩呀？問一句都要咁，你呷醋？佢話，咩喎？唔理你呀，你搵你既G喇。咁冇幾耐G又message我，個日你得唔得閒呀？我話，未知住呀，去唱K呀嘛係咪呀？G話，咩唱K呀？我諗住去露營喎。哦，我知喇，A揾過你，佢同我分開慶祝呀，你都知佢幾中意唱K架喇，但我唔係咁中意，我中意靜靜地感受大自然。如果你想陪佢唱K既話，我冇所謂架，我都係同幾個FD去姐，可能會悶親你。我話，原來你哋分開慶祝，去露營好似都幾好喎。G話，你都啱架咩？不過...你唔洗陪A咩？我話，做咩一定要陪佢呀？其實我都唔係咁中意唱K架咋。G話，咁你記住唔好同A講呀，佢好似唔係咁中意我同你一齊玩，比佢知道你陪我唔陪佢，我唔知你點交代呀。我話，點解你好似講到佢係我老婆咁既款既？我仲係單身架，或者...其實我中意你多D呢？G話，依，都唔知你係咪既，口花花咁。佢咁靚呀，你會唔中意佢？我話，係咩？點解我覺得好似你靚女D既？G話，邊度係喎，佢身材咁好，我之前見過佢換衫架，佢真係唔係差架。我話，咁身材又唔代表咩既？而且我又未見過佢換衫。G話，你曳曳呀，我話比佢知架，你想睇佢換衫。我話，唔係咁既意思呀。G話，唔知你喇。(其實個時我知我都真係中意左G，但同時我又中意A，真係內心既交戰，個心一直糾結緊)

夜魔瞳

純粹想收集下大家意見，其實各位讀者最中意邊個女主角？

夜魔瞳

繼續更新。。。
咁我真係諗左好耐究竟應該陪邊個，最後我覺得既然我都唔知中意邊個多D，不如就淨係諗E+有兩個活動唱K同露營，想去邊個就去邊個，唔好再諗咁多情情愛愛既野。最後真係揀左去露營，咁我就同G講喇，咁佢話，你真係諗清楚？唔好反口呀，我要買野準備架。我就話，係呀，諗清楚喇。G話，咁A個邊...你...ok?我話，得架喇，同佢講聲姐。G話，記住唔好話係陪我呀，唔想你做磨心呀。我話，知喇，我識同佢講架喇。咁我就message A同佢講，我個日唔得閒呀，sorry呀陪唔到你。A話，唔緊要喇，遲D你再陪我補祝返咪得囉。我話，咁好喇，玩得開心D呀。(其實我個時覺得自己好似好衰咁，都成日諗，其實係咪真係要講大話呢？好坦白講，佢地兩個都唔係我女朋友，點解要瞞來瞞去呢？不過我都唔想G難做，搞到佢哋面阻阻咪仲衰。)

夜魔瞳

到左個日。。。
咁我哋入到營地，就起左營放低D野，就四圍去行下玩下咁喇，到左黃昏我哋開始準備晚餐D野，咁我幫手洗野切野咁喇，因為佢生日所以都唔想要佢郁手煮野食，咁佢就係到等食喇。咁食完野同佢切埋蛋糕，執返好晒D野，我就同佢去左散步睇下星星，去到一棵樹下坐低左，咁佢撓住我隻手挨住我，佢話，平時好難見到咁多星星架，所以我好中意出下市區，感受下大自然。我話，都係呀，市區真係好難睇到星星。佢話，星星既光其實一直都存在，只係太陽同月亮當然仲有市區D街燈太光，所以我哋先睇唔到星星既光，星星好似好可憐咁，係咁遠辛辛苦苦發光發熱，但卻咁難先見得到，你知唔知呀，我哋見到星星既光有D已經係好多年前架喇，可能E+個粒星已經冇左，但佢既光仲未傳晒過黎架咋。我話，我都有聽過，因為有D星星係係好多光年外架，光都要好多好多年先可以行完佢既旅程。佢話，嗯，係呀，有時差既只係時間同距離，但係結果可能已經好唔同。

夜魔瞳

唔知點解，我覺得佢個句好似有其他意思(完左前傳會解釋番，其實之前係《三角關係》既時候帶過下，但冇深入講)，咁我同佢坐左一陣就返返去喇，咁成班FD(其實連埋我同G都係得幾個人)入左G個營入面玩喇，都係吹下水，玩下啤牌，真心話咁。玩到咁上下，其他人都慢慢返返自己個營到訓，得返我同G仲有同佢同營既一個女仔FD係到，咁我都唔好意思留低喇，咁我諗住走，咁G就話，下，咁快走？陪我玩多陣喇，我...想你...可以陪我耐D呀。我話，咁...但係我會唔會阻住你個FD休息呀？G話，唔緊要喇，係咪呀？佢個FD起身(本來應該係想訓)話，唉，你哋真係...喂，呀俊我去你個營到訓，你今晚留低喇，仲有你哋唔好整污糟個營呀。(佢個FD應該係知道D野，而且講完就動身走)G話，喂呀，你講左去邊呀，好核突呀你。你走喇咁，goodnight。我話，下，咁今晚點訓呀？咁唔係幾好喎。G話，你唔中意我咩？唔想陪我。你...之前...又話...我話，我...都唔係...想講呢樣，係呢，唔知A個邊唱K唱成點呢？(其實係我太尷尬衝口而出想轉話題)G開始有D想喊，你衰人黎架，我講到咁，你仲要提第二個，你正白痴呀，嗚...咁個時我冇諗過佢會係咁既反應，我話，對唔住呀。咁我埋去摟住佢，想氹返佢。佢話，唔好掂我呀，你去搵你既A喇。我話，好喇，我認喇，我係中意過佢，但慢慢我知我中意既係你呀。G話，我唔信你呀，其實你同佢一齊我都冇所謂架，你...去喇，不過...我諗...我會...一直咁留係到等你架，如果...你想...既話先返黎揾我喇。我個時其實好感動，但個心都好痛，點解...點解你永遠唔會認為我中意既係你？我話，我唔會要你等我，我要E+就黎揾你，你信我，我愛你。佢話，你成日都咁口花花架喇，你應承我吖，以後唔可以再成日口花花撩女仔，唔可以同其他女仔太親密，摟下都唔得。我話，咁好，我應承你，就算有幾靚既女仔我連望都唔望，唔會同女仔單獨出街，做我女朋友吖。佢話，勾手指尾架喇。咁我幫佢抹返D眼淚，之後佢摟住我，輕輕鍚左我一啖，咁我都摟住佢。咁我話，咁...我哋訓得未呀BB？佢話，咁好喇，訓喇BB。我話，但係我冇拎睡袋過黎喎。佢話，唔緊要喎，我個個係雙人架，我唔中意單人個D包住晒郁唔到咁，入黎吖。我話，唔係咁好喎，一男一女咁訓。佢話，你仲怕醜？我哋都一齊左喇。

夜魔瞳

繼續更新。。。
咁我都冇佢乎，唯有入去個睡袋到一齊訓，咁佢就摟住我訓係我心口到，我個時其實個心跳得好快，好緊張，佢話，你好驚咩？個心跳咁快既？驚我食左你呀？我話，唔係，只係我唔習慣同女仔一齊訓姐，尤其是你咁靚既女仔。佢話，你又口花花喇，都唔知你同幾多女仔訓過喇。我話，咩呀，邊有呀。佢話，唔知你喇，話唔定你同A都訓過添喇，佢同你關係「咁好」。我話，冇呀，真係冇呀，咁快就呷醋喇。佢話，邊...邊度係喎，係你衰呀，氹返我。我錫左佢一啖，我話，咁得未呀？佢話，依，成日冇lala錫人。我話，咁你中唔中意吖？佢話，唔知呢？你話呢？我話，er...中意掛...我...佢伸手輕輕禁住我個口，示意唔好講野，之後佢慢慢咀埋嚟，真係黎得好突然，咁我摟住佢條腰，佢繼續咀，佢好似愈咀愈激，伸左條脷入黎，咁我都放鬆個人比佢咀，始終個感覺真係好刺激，我下身都有反應，但唔知佢feel唔feel到，咀左一陣佢都停左，摟住我訓，但我下身仲係好有反應，未咁快冷靜到。佢細細聲咁係我耳邊講，你曳曳呀你，咀你一陣就咁硬，我哋啱啱先一齊就想...依，你真係吖。我話，咁...咁係你...你冇lala咁咀我...我先會...sorry呀，我正常男仔黎架，忍唔到架嘛。佢話，得喇，我明架喇，訓喇，我都冇怪你，傻豬。咁個晚我就同佢咁樣一齊訓，去到第二日。。。

sinar45

Support Support精彩:smile_o12:

HoneyPussy

師姐可唔可以作為過來人比d分享你？

任何人，唔會對你無feel就比你射，
一個人有性需要都好正常者，
如果她系甘直接既女仔，
女仔都會多謝你既坦誠。
有d野系註定無辦法兩全其美，
但係誠實永遠系第一步，
就算女仔會心疼都好。
至少我係會甘，
因為如果謊話比我自己拆穿，
一定無好結果。

夜魔瞳

引用:

原帖由 HoneyPussy 於 2015-6-2 09:57 AM 發表
師姐可唔可以作為過來人比d分享你？

任何人，唔會對你無feel就比你射，
一個人有性需要都好正常者，
如果她系甘直接既女仔，
女仔都會多謝你既坦誠。
有d野系註定無辦法兩全其美，
但係誠實永遠系第一步，
...

多謝師姐既分享，都明白師姐既意思。

夜魔瞳

繼續更新。。。
咁到左第二日，我同佢都係咁摟住對方係個睡袋到，咁我醒左先，但起身既時候唔小心整醒埋佢，佢話，早晨呀，你起左身喇，BB？我話，係呀，我都係啱啱起身咋嘛，早晨呀，BB。咁佢個FD係門口話，起左身，咁我方便入黎未呀？我等左好耐喇，你哋兩個BB，真係...G話，OK呀，點解唔入黎呀？個FD話，我真係唔係幾想晨早流流見到D唔應該見到既野，點知你哋會唔會尋晚玩得太刺激架？咁佢慢慢入黎，見到我同G訓埋同一個睡袋，就話，喂，又話OK？你哋...下身有着架嘛係咪呀？G話，你諗左去邊呀？都冇事發生，你思想好核突呀。個FD話，點知你哋喎。咁我好尷尬咁話，er...或者...我都係出返去先。G摟實我話，唔制呀，我要痴實你呀，BB。我話，咁唔係幾好架，我哋都要去疏洗下喇。G話，我要錫錫。咁我輕輕咁錫左佢一啖，就動身出去。佢個FD話，唉，好閃呀，唔好咁旁若無人好冇？(咁呢次露營之後都冇咩講喇，總之多左個女朋友喇)但係之後冇幾耐。。。