夜魔瞳

(Sorry各位，咁多日冇更新)
自從個次同A message完，我同佢都可以話係到此為止。咁有日我收到S既message，佢好開心咁話，我同我呀爸呀媽傾好左，我話其實我E+先中四，如果發力仲可以追，到左中六成績都係唔得先會走，你係咪好開心呢？我話，咁你要好好把握時間温書呀，打好個底，我都相信你努力一定得架。(其實個時我收埋左一個秘密係心裏面，一直唔敢同任何人講，尤其是S同G)，我心入面一直掙扎，究竟幾時同佢哋講呢？E+知道S未走，我就更加唔敢講。

夜魔瞳

有次我同G出街，佢好似留意到我有D野，問我，你係咪唔舒服呀，你今日個樣好似咁凝重咁既？我回過神答佢，冇，諗緊野姐。佢話，諗咩呀？有心事？我都唔知得？我話，冇，都係D無謂野姐。佢話，我唔信你呀，你一定係有D野，你唔係出面仲有第三個女人下話？我馬上澄清，唔係呀，唔關感情事，個人問題姐。佢話，咁係咩事呀？你有病？冇事呀嘛，我真係擔心你呀。我話，緊係唔係有病喇，你睇韓劇睇太多喇，下下男女主角有絕症咩，傻豬。佢話，咁你係咪唔講得？如果係，我唔迫你，但我隨時願意聽你既傾訴。我話，唔係唔講得，只係我要準備好點講，同埋要係適當既時候講，希望你明白。佢話，咁你自己好好諗下先喇，我明既。

sinar45

Support support

夜魔瞳

未到夜深，唔po正文住。講下D趣事。
有次我同成班FD去行山(G同A都係到)，個時我啱啱同左G一齊冇幾耐，大家都知熱戀期係點架喇，但我哋又係地下情，成班FD得A知我同G一齊，咁行山就緊係有用對講機喇，我哋分左兩隊行，我同A帶一隊，G帶一隊，咁行行下，G就用對講機問，老公豬，你哋去到邊個check point呀？我哋全隊呆左，包括我，但我好有衝動答佢，但係成隊人望住我，我連透氣都驚，A即刻搶左我部機，老婆豬，呢度咁多人唔好叫得咁親密喇，你搞到個氣氛好尷尬呀。我心入面鬆左口氣，好彩A醒目應對得快，佢份人真係幾好。完左旅程，我同左G同A去食糖水，一路食一路傾返頭先D搞笑野。(唉，我真係好想去返以前。。。)

夜魔瞳

咁有次同S去街，佢又問我，你係咪有咩事呀？心不在焉咁既？唔舒服？我話，唔係，有D野諗姐。佢話，諗咩諗到入晒神呀？唔講得比我知？我話，唔係，只係唔知點同你講姐。佢話，你唔好同我講你同上次個靚女做左D咩呀，我唔係幾想知，有D野你做完就算喇。我話，唔好講笑好冇？認真架。佢話，咁係咩事呀？我話，對唔住，其實不如我哋分手喇。佢話，下，唔制呀，咩事呀，做咩冇lala話分手呀？就算你同左第二個女人搞左咩，我都唔介意架，我只想你可以留係我身邊，定係我有咩做得唔好呀？我可以改架。我話，唔關任何人事，係我自己既問題，對唔住，我唔值得你為我做D咩，其實我一直都只係個衰人，成日整喊你，對你咁差。佢話，你點會係衰人呀？係我成日無理取鬧姐，唔關你事，唔好咁喇，係咪我又激親你呀？我錫返你吖。我話，算喇，其實我欠你既真係太多太多，你應該擁有更好。佢開始喊摟實我，唔好分手喇，我唔知你咩事，我好擔心你，我好中意好中意你架，你冇欠我任何野，你係我眼中永遠都係最好架。我話，唔好喊喇傻妹，喊就唔靚架喇，我知你好中意我，但唔係好中意就可以永遠一齊架嘛，唔好咁唔開心喇，笑返喇。佢話，咁係咪笑返我哋就唔分開吖？我唔知可以點答佢。佢話，冇lala做咩要講分手？你一定係有原因，你講比我聽喇。我話，其實我唔想講，因為講左你一定嬲我。佢話，我唔會嬲架，我有心理準備。我話，其實我要走喇，可能唔會再返黎。佢話，下，點解呀？你唔會有事架，你唔會死架。我呆左話，咩死呀？我都冇話我有病，傻妹。我係話離開香港呀，我聽左你既意見，同左屋企人商量，佢哋話送我去外國讀書喎，咁你為左我留低，我E+又話要走，你一定好嬲我。佢話，下，你一定要走？咁點解要分手呀？我話，好大機會走囉，咁始終我都走，長痛不如短痛，早D分手，好過遲D異地戀仲辛苦，你可以揾個好男仔一齊，我都可以放心你。佢話，唔制，我一定會等你返黎。我話，我可能有去冇回架，所以算喇。佢話，我唔可以接受呢個理由分手，你比個好D既理由先，唔係我永遠都捉實你。

女林

真係好鬼正，，突然一句 老公豬，，  好彩A同你同一隊，，如果A同G一隊而G同你講，，:smile_30: :smile_46:

吾知你又會點呢:smile_o10: :smile_o01:

夜魔瞳

繼續更新。。。
咁我諗左好耐，點同S再講清楚呢？我可能真係要將真相講佢知，佢先肯死心。咁我鼓起勇氣，message佢，我話，如果你真係想要理由既話，咁我就同你講，其實當初一開始我都唔係中意你，sorry,應該話唔係男女朋友個種，我一直都係當你係妹妹咁，而其實我一直有一個女朋友同我一齊，好對唔住，我應該一早同你講，但我一直搵唔到適當既時候，我當初之所以同你一齊係因為個時我同我女朋友鬧左交，個人好down，而你又一直陪係我身邊，所以有一絲感動，所以先會咁，我同你既開始可能已經係個錯誤，好對唔住，希望你明白，都比大家自由既機會，我覺得做返朋友都得架。

夜魔瞳

佢話，我唔信，你係愛我架，冇lala又邊度走個女朋友出黎呀？咁你講，佢係邊個？我識唔識架？有冇相為證吖？我話，你識，但我真係唔想講，我同你講你只會仲辛苦，何必呢？佢話，我要知呀，定係其實你只係作故仔想分手吖？我唔會上當。我話，我講既全部都係真，但你唔會想知佢係邊個，就咁算喇。佢話，我E+好想知。我話，其實個女仔係G，我知你一定好嬲，好唔開心，但其實我係同佢一齊先，對唔住。佢話，你冇撚野下話？個條八婆你又啱？仲要話我係第三者？條八婆真係正仆街，等我鬧9佢，搶我條仔，痴邊條線呀？我話，你唔好咁喇，唔關佢事，係我衰，我有女朋友仲去溝女，一腳踏兩船，你要鬧就鬧我喇。佢話，你仲幫住個賤人？佢比咩藥你食呀？睇你個樣，實係同人扑過好多次喇，high到你痴左呀？我先係你女朋友呀，你同其他女仔唔緊要，就係佢唔得，你要扑同我扑囉，我日日比你插都仲得，你掂都唔掂下我，同條八婆上床？佢係咪咁撚正呀？我有咩比唔上佢呀？我後生都後生過佢喇，有幾多人想食十六歲學生妹呀？你都唔食，走去同呢條淫婦搞？佢比你屌得多，你都厭喇，好撚爽咩？我可以比你再爽D wo...你咁都唔撚識揀？我話，你注意下你用詞，我冇同佢扑過野，佢係我女朋友，你唔好八婆前淫婦後咁話佢，我唔同你上床，係因為我尊重你，我既然只係當你係妹妹，做既野始終唔可以咁過份，你咁想扑野，我覺得你先有問題，而且有D野冇得比較邊個好D，就算你咩都好過佢，唔代表我就係愛你多D，你需要D時間冷靜下，仲有你唔好去騷擾佢，佢都就黎考公開試喇，如果你搞到佢，以後連朋友都冇得做。佢話，頂你呀，條八婆有冇咁撚重要呀？正姣西，你咁中意同佢扑野，你同我扑死佢，屌到佢飽，咁撚多野講，你講到咁，姐係冇計傾喇，以後你唔好再搵我，有個條八婆做你女朋友，仲走黎溝我，好撚好玩咩？定當我免費雞呀？你真係幾衰架wo...我話，總之我只可以講真係好對唔住，sorry

夜魔瞳

其實成段事情，到呢度都差唔多完，最後任務，就係同G講我要離開。。。
有一次我上G屋企過夜，就打算同佢講喇。。。
其實我有D野想同你講。佢話，講D咩呀？我話，其實我有機會要去外國讀書呀，所以可能我哋以後好難再見面，我仲可能唔會再返黎香港。佢話，唔緊要架，我會等你，我哋E+好好珍惜一齊相處既時間仲好喇，唔洗咁唔開心wo...我話，估唔到你都幾睇得開wo...，係既我哋好好過埋呢段時間再算喇。咁我同佢就摟住對方，佢就話，不如我哋襯E+仲有時間係埋一齊，我哋試下吖，可能係我哋第一次都係最後一次。。。

sinar45

G真係一個好女友