小弟第一次出文，寫得唔好請多多包咸
呢個故仔事發大概5年前，25歲左右啦
之前拍過三次拖，但係果時我都單身左好幾年喇
一直都想拍拖，但係就搵唔岩Target
都係果D我鐘意既又唔鐘意我，鐘意我果D我又唔鐘意啦
好在當年有班好要好既朋友，我地基本上成日都打牌既
一星期打足4,5日，咁都未至於太Dry
就算呢個唔得閒都好快會搵到第二個黎頂上
咁因為Friend "lan" Friend既關係
都識左唔少新朋友
因為d friend有時三缺一都會搵埋我去"鄧"下腳咁
於是乎識左"A"
"A"係外國讀書既，咁岩返黎香港放假
初時對"A"無乜特別感覺，普通香港女仔一個
而且知道佢有男朋友，所以都無諗d乜野
咪照常打牌囉~
其實佢男朋友就唔係好鐘意打牌既
所以好多時我地打牌果陣佢都係度訓覺 or 做其他野
咁我同阿A又異常岩咀型喎
所以有時突腳果陣
我都會同阿A Partner打牌
咁打左1個月左右，平均1星期見2,3次
除左打牌，咁都有時係純出黎食飯既 (咁當然有其他朋友係度啦)
經過呢段時間都熟絡左唔少
咁佢男朋友因為要返去外國搞學校d野，所以先離開香港
(佢同A都係留學生黎的)
就因為咁，我同A變得更加熟絡
有時佢仲會飲我杯水果d既
雖然知佢有男朋友，但係見到佢呢d動作都會有d....唔知點咁
話說有日打完通宵牌，佢返緊屋企
我地傾傾下whatsapp
A突然問我一句：「你……有無鐘意我呀？」
我話：「唔會囉，你有男朋友喇嘛！」
A：「有關係咩？！！」
對於A呢句說話，我有d不知所措……
我過左一陣無覆佢，因為唔知應該講d咩
A又話：「不如出黎食早餐丫」
我諗左諗：「好呀」
[
本帖最後由 Spicygor 於 2015-7-14 04:48 PM 編輯 ]
