唔知大家有無打機？我一定有喇，由咭片機開始，紅白機，超任，到今日手機GAME都有。
你地打GAME多數同咩人一齊玩？兄弟姊妹？朋友？同學？我想99%都係。
咁有無同MISS／阿SIR玩過？
當日係放緊農曆新年假，天氣好似今日，帶小小毛毛細雨。盡心盡力的MISS G 努力地係農曆年完成埋最後一份筆記。
約左回校取。今次無那隻鑽地鼠係到，真係好。
攞左後，傾陣計都差唔多食LUNCH，咁順利成章MISS G同我，加埋一個書記小姐三人行。
書記小姐都係好YOUNG 25,6 左右身材高挑，比MISS G高，留一把長髮。
MISS G想幫朋友攞居屋申請表，咁就去樂富食喇。因為當日無帶袋，份筆記就由MISS G袋住，走時先取回。
三人行有傾有講，氣氛唔錯，而且仲係書記小姐口中八到唔小野。我成日聽聽埋埋咁多秘密，（依家啲同事都係喜歡搵我講）真係遲早有日被消失。
食完LUNCH 就散場各自走喇。可能傾得太開心，我唔記得攞份筆記走，OH 點算呢？個時無手提電話搵唔到對方架。
因唔想再約攞，同埋計返時間，放完假第一日應該係無筆記用，到時就唔好喇。正諗緊點算好呢？我記得佢講過會去佢細路鋪頭，咁我膽粗粗上車去。其實我都唔知間鋪到係邊，只係知大約地點，抱住一絲希望同決心就沖喇。
車程到都有點心安，因唔知搵唔搵到，又唔知會唔會關左門走左，好多好多問題係腦內出現。
我個人就係咁，會諗好多野，好多問題俾自己。
好不容易到左目標地，四圍搜索下，睇下大約，見到一個應該係目標商場就過去喇。
入到去，仲要搵間鋪，又好好彩全場得一間鋪係賣GAME。佢細路係開GAME 鋪，好易見得到。
去到門口，見到MISS G背影，叫左佢一聲。佢轉身見到我有點驚訝，問點解會出現？好在佢無當左我係跟蹤狂，唔係就.....
我答完佢，佢先醒起份筆記事情。
既然來到，MISS G就叫話睇下野先。
而佢細佬又好識做走左出去，叫MISS G睇住檔。嘩，真係一個大好機會。
估唔到MISS G提議玩孖寶賽車，佢仲話依隻GAME佢玩得好叻。
咁就開GAME喇，佢咁叻咁我就........讓佢喇，楝隻好難用的角色。結果當然係佢贏喇。
不過講真，佢真係有玩架，佢連啲角色邊隻易，邊隻難都知。
睇住佢玩，佢好似一個大細路咁，會手舞足動，會不自覺地叫，俾我出龜殻射中佢又會小小扁咀咁望住我。
輸左又會話下鋪一定贏我。仲有時會四目交投。不過個時的我，邊夠膽錫落下，這些機會就咁溜走左。那個多小時真係好開心。
不知再遇時我倆會否再一次玩"孖寶賽車"呢？
看 馬裡奧為情人 蜘蛛都去擋
為著摘星火山一個闖 看 我兩臂這樣忙
打得天也光 但電視機不懂講晚安 明知我
沒志氣我未配你 眼看他將帶走你
我亦淪落到 遊戲 都玩不起
你要分手 我要激鬥 獻給你最美滿的以後
可惜我 資質不夠 還未拚命已失手
(你想我 怎麼拯救 陪著我能捱多久)
你要分手 我會補救 至少你會讚歎我肯出醜
也許我 終有日會住進萬尺天堂 再來 跟他激鬥
(也許我 將眼淚跌落到任天堂 我們 終於得救)
