奸夫淫婦指沒有夫妻關係或名份而發生性行為的男女。
當年被指為奸夫，實在心有不甘。
但如果今日再一次被指為MISS G 奸夫，我絕對願意背起這個污名，即使身敗名裂（雖然我無）也在所不計。
那年聖誕，開開心心放十日長假。但係盡責MISS G仍然為我㥃一班預科生趕製筆記。
作為影印員，當然要完成任務係放假後有筆記發給同學上堂用。
可惜，MISS G係放假前仍未能完成最後一份筆記，她要約我假期中某一天回校取。
到了約定當天。回校看到的不只MISS G一人，還有其他幾位無教我，但都識的阿SIR一齊，當然仲有那位老套又乞人憎的鑽地鼠喇。
教員室有兩個，不知為何，會分成男的一個，女的一個咁小學雞呢？
我當然係去女教員室找MISS G喇。
入到佢原來今天得佢一個女教師回來。即係全室只得我與她。
若果那時的我有現在的我咁大膽同咸濕，就會把她就地正發，好AV。
那時的我當然無咁做喇，攞完筆記就坐係佢身旁傾計。
那個時空時間好像停止一樣，我倆好像被一個汽球包圍著，只聽到對方的聲音，雙眼只有對方，那一刻一切如活在童話之中。
幸福的時間過得特別快，突然聽到兩聲拷門聲。入來的不是別人，正是那集乞人憎的鑽地鼠。
鼠SIR看的我同MISS G突左一突，已看出他的面色非常難看，比鑊底仲要黑。
鼠SIR同MISS G講左幾句就離開。之後我倆繼續我地談話。
過左一陣，好快，5分鐘左右，另一位阿SIR入來，笑笑口指住我，你係奸夫，又笑笑口指住MISS G，你係淫婦。我倆聽到一頭霧水。原來鑽地鼠返回教室自言自語講我地倆個係奸夫淫婦。OH SHIT！
作為一個阿SIR，我想不到鑽地鼠會講出這組字話我倆個。你話我唔緊要，但唔好話埋MISS G。你追唔到MISS G，都唔需要用這詞語。他真的非常小器。
相反MISS G聽到後只一笑置之，並沒有作出任何反擊，只係一個無奈的表情。
下回東京愛的故事
[ 本帖最後由 chris@hk 於 2015-8-5 02:26 PM 編輯 ]
