各位師兄，師妹，你地讀書時我想都會幫各MISS同阿SIR改花名。
通常改花名就係跟佢個樣，身型改，好似我其中一毎好矮MISS叫壓縮人，有個阿SIR 叫叮噹。
一個就係個格，好似X狗，X 先自填，因為格衰。唔知點解多數都係用狗去形容，會唔會諗下用第二種動物去形容呢？
之前提到一個形容我係奸夫的阿SIR，佢都有花名。唔係我改架，係同學改左我先知，我地叫佢做鑽地鼠。
佢同MISS G一齊第一年到我校教書。預科班有佢份。不能避免要對住佢。
佢初初都幾好，正正常常，唔係點討人厭。書初頭都講得幾好，可能仲係淺唔算深。過左一個月左右，課程開始進入比較深部分，佢唔係太熟講極都唔知佢講咩，又講到錯晒。我地點知佢錯？因為我地修這科的同學大部分都有搵補習天王咪知佢錯，仲要係錯到離譜。我地當然唔會放過叉能住佢機會喇。同佢講補習唔係咁講，佢就開始不耐煩，仲發老脾話我地係錯。OH SHIT唔係麻補習天王錯？你岩？不可能喇。
自始之後，佢就擺起個權威阿SIR款。而我地當然繼續挑佢機喇，挑得最勁當然係我喇。所以佢好憎我。有時索性走堂唔上，唔想見到佢。
從MISS G口中知原來佢經常係教員室講我壞話。好彩MISS G都知佢為人，無信佢。不過都有叫我收
斂些，MISS G講到出口，為有照做...........三日咁多。
MISS G係一個一星期會有幾日帶飯盒係學校食LUNCH。有次鼠SIR想同MISS G食LUNCH，居然叫佢捯晒個飯盒，同佢去食LUNCH。這個鼠SIR真係一絕咁都諗到。MISS G當然唔理佢喇。其實想同MISS G食LUNCH 早一日約定就得喇。我相信MISS G都會應承。可惜鼠SIR做事就係唔得大方。
我校當時有約7 位老師，有4位係新入職。MISS G 同鼠SIR外另有一位男同一位女教師。
除MISS G同另一位新女教師外，仲有一位女老臣子，共三位女教師。
女老臣子唔駛講，可以做得鼠SIR阿媽，新女教師過2個月結婚，MISS G得男朋友。如果鼠SIR放係今天，我地會形容佢係毒男。仲要係好毒那種。
鼠SIR 都唔係蠢，佢向MISS G埋手，追佢。佢追MISS G追到全校都知。可惜神女無心，襄王有夢。
MISS G對佢男友一心一意，係大學同學。仲諗住會買樓結婚。可惜..........這已是後期的事。不過若非如始，我亦不能與她曖曖昧昧。
MISS G初初見鼠SIR 約佢其實都無諗到咁多野，只係以為同事間聚會。但後來發覺次次話邊個SIR／MISS會到，最後都無晒人得返佢兩個就發覺唔對路，無理由一次係咁，兩次又係咁。後來佢係其另一個人妻MISS口中先鼠SIR追佢。MISS G知道真相後，當然對鼠SIR大打折扣喇。雖然都唔會俾機會佢，不過就降格為最普通同事關係。而其後鼠SIR就開始露出真面目，對其他同事都唔友善。我地改佢個花名真係無錯，鑽地鼠。做事閃閃縮縮，藏頭露尾，唔得光明正大。
至於我這個奸夫之名點得，下次再講。
