講真出黎玩要有原則，咩野原則。。。。。以我個人定義：1.唔會做對方唔想做既事/2.一定要交待自己身世，唔會為左開飯而呃感情(個人最憎呢類男人) /3.唔會上對方屋企或帶對方上自己屋企(如果銀兩短缺就建議唔好玩啦) /4.玩得呢d做男人應該在意對方感受，唔係射完就訓，能夠令對方舒服及感受你對佢好，女方一定會為妳付出更多/5.唔好影響大家私人生活，畀多d空間大家。。。。。(以上觀點都係我出黎玩既做人基本原則，所以我就算同女友或情人分開都好，都仍然能夠做到好朋友)
言歸正傳，雖然我馬友友都曾經有多段情史，有d一齊時間好短，亦有d keep到依家都仲係好朋友(最長一位前後相識十二年，真係互相睇住大家成長同變化), 但我每一段情都係有認真付出過，唔係玩玩下呃飯食果種，當然世途險惡，我亦有中招時候，差d冇左大好家庭都試過(日後再同大家分享，以作為反面教材), 有朋友問我有咁多段情，其實最鍾意係邊個，講真講得出都係呃大家啦，我只可以講我個個都喜歡，真係無分大少，有人話呢d叫博愛，我呢得佢地點講都好，起碼呢種愛我同情人大家都感受到，唔會理會其他人眼光，至少我活得比大部份人開心，今次女主角係我婚後第一位情人，即到依家識左十二年果位，人地依家已經係乜太啦，但我地仲間中出黎食飯(大家估下邊種) 飲野傾心事，大家有興趣想知就等下啦。。。。。(Part 1 完)
