跟住我就搭車去到佐敦，到左佐敦我就打電話俾個女仕，個女仕就講左個地址俾我知叫我自己上去，佢係到等緊我！去到門口，我個心跳得好快，原來禁尼個門鐘係需要咁大勇氣，我吸一口氣就禁落個門鐘到，叮噹...開門既相信就係同我講電話果位女仕，係電話我就覺得佢串串貢，開門既時候好好笑容，首先我介紹一下尼位女仕（化名ling姐），我眼見佢係一位3x歲既女仕，樣貌標緻，可以講得係風韻猶存果種女人，咁我入到去既時候就四周圍觀察一下啦，地方唔大，有3間房，地方非常乾淨，仲有好好聞既香薰！ling姐就叫我坐底，佢就去左攞杯茶俾我，當佢攞茶尼個舉動我已經知道我面試係成功，佢攞左杯茶俾我之後就坐底同我講話：嗯，你都幾靚仔，不過就瘦左啲，唔緊要啦，我地都係睇樣多啲既，你可以係到做，不過我要同你講清楚你要做啲咩先，你再諗下岩唔岩做啦，首先我地尼到係幫人做按摩既，男女客人都有，不過係分開2間既，按摩簡單啲黎講即係令到個客人舒服，咁舒服都有好多種既，你幫佢按摩佢可以覺得舒服，你同佢傾計佢又可以覺得舒服，我唔理你用咩方法，總之令到個客人舒服就係你要做既野！明唔明？我就即係問：係咪好似啲骨女咁...同埋係唔係要幫埋男客打飛機呀？ling姐就話：我地唔會強迫你做啲咁既野，但係我都好老實咁話俾你知，如果你肯做尼啲野既話搵既錢一定多好多！但係你話唔做既，唔可以俾人摸都無問題，我地會事先同客人講話尼個按摩師唔做尼啲野架，同埋唔摸得架！我話：哦，明白！咁可唔可以俾我返去考慮下呀？ling姐話：無問題，你返去考慮下先，考慮成點都打個電話話我知啦！我就話：好呀，我會盡快覆你架啦，唔該ling姐，咁我走先啦，我再打俾你啦！bye！就係咁我就走啦，返屋企既途中我諗左好多野，對我黎講幫男打飛機係絕對無可能既！男摸我都唔得！我摸男都唔得！總之我就唔可以同男有身體接觸！因為我覺得太噁心啦！（我絕對唔係歧視同性戀者，只係我個人問題！），咁其實我已經打消左個念頭，都無再諗尼份工啦，2日後收到個電話係ling姐打黎，我心諗聽唔聽好呢？聽囉，講句唔岩做咪算囉，又無野既，咁我就接左ling姐個電話，我話：喂，ling姐呀，唔好意思呀，唔記得打返俾你，份工我都係唔岩做啦，ling姐問：點解呀？你依家又無野做，我就直接同ling姐講：唔好意思呀ling姐，我接受唔到我同男有身體接觸呀！ling姐答左我一句：咁咪唔好做男，剩做女囉，有咩唔怕同ling姐講，ling姐會幫你諗掂，仲有咩問題？我即刻啞左：....！但係我唔識按摩喎！ling姐就話：我會教你架啦，放心啦，你試下做下先，到時唔岩做先唔做囉，又唔會迫你既，你聽日返黎試下做住先啦，唔岩做再同我講！我：咁好啦，我聽日返黎啦試下啦！ling姐：咁好啦，你聽朝10點返黎，咁聽日見你啦，byebye！收左線後，個心好唔知點咁，我究竟係無藉口再推ling姐，定係我真係想當返份工試下呢？諗左晚成晚，試就試啦，唔岩做大不了咪唔做，懷住尼份咁亂既心情入睡...到左第2朝早上...有支持，有後續！謝！
