我地喺backpackers食埋早餐先出發,喺common room呢度有幾個台灣女仔喺度食早餐,同佢地傾咗幾句原來佢地喺度working holiday,啱啱無工開所以環緊塔,d台灣人都幾nice,講樣貎其實同香港女仔都無得比,不過身裁方面就好唔同:smile_34:
今日ge天氣好靚,我地之後由Bicheno出發,去左呢度出名ge blow holes.好正,blow holes係呢度出名ge景點之一,果度有個細細地ge地方,上面塊好大ge石頭,而當海浪衝埋嚟時,個石頭間空隙會噴出幾米高ge水,d水跌番晒落地面時好容易會見到有彩虹,真係大自然ge奇觀;但咸濕仔ge我,就諗起d av女優俾男優搞到潮吹:smile_30:
阿ann好興奮,影咗好多騎呢相,嚟到嚟到真係會童心滿滿...喺度我地撞到係backpackers度識ge台灣人,佢地影相d post仲騎呢,笑鬼死我同阿ann
之後我地落咗去wineglass bay.沿途真係好正,d路彎彎曲曲真係幾好玩,阿ann坐喺我隔離除咗睇風景,仲喺度敷mask...我另個頭見到佢個白面裝時嚇到爭d炒車,不過白面都好過黑面ge
途中我地路過有個地方有間餐廳仔,本來已經揸過左,不過阿ann話想食少少野,咁我地就折返去間餐廳食嘢.間餐廳幾有風味,泊左隔車喺入面,發現佢入面有條路係由貝殻整成,佢入面有好多海產食,蝦,生蠔,青口,全部都好鮮甜,正.而果度條貝殻路通往廁所,都幾得意.
wineglass bay係個出名ge景點,去到原來個停車場都幾得意,我地落左車之後,阿ann都補好晒放曬同幫我準備好晒水同乾糧,我地揹咗背包就行上山...沿途撞到有香港團同大陸團,d大陸人又係無乜禮貎咁,至憎...香港人就好親切,不過d大叔講野又係九唔答八,偷聽到時笑死我同我女友.行咗幾個字,到咗個三岔口,一條路落沙灘,不過要走多半粒鐘,來回佢仲標示話唔知2定3個鐘...其實我好想行,好似好浪漫啊,水清沙幼...但問阿ann...支唔以對咁,我就知佢怕辛苦啦...算la,我地上山影相算...拉左佢繼續行上去,行多15分鐘到就去到個觀景台,果度仲有位坐添
觀景台唔算好大,我諗坐到幾個人咋,企可以勉強企到10個人左右...呢個時候好乸多人,d大陸人好鬼鐘意周圍爬,影完相bilibala就成團人走,幾熱鬧ge,不過去到邊度都係滋擾住周圍ge人,同埋又講到度度山水一樣,中國都有咁ge風景,都唔識欣賞大自然ge美.香港人就鐘意駐足欣賞風景,討論呢度風景有幾好,好有親切感.我同阿ann就拖住手坐喺度,好少出聲,感受海風,日光,同埋手中ge溫暖.當然食下嘢仲有影下相咁.
直至我地影相同幫人影相時,開口講野人地先知我地係香港人,好搞笑...俾自己友笑我地一個似架妹(阿ann戴草帽同著到有d似日本人ge),一個似泰仔(我果時曬到黑黑實實又鋼條型咁):smile_14:
喺上面停左我諗有半粒鐘我地就返落去停車場la.其實運動量都好有限,呢度行上行落都幾舒服,風景都唔錯,不時都睇到d奇形怪裝ge石,梗係影相留念la
玩完呢個wineglass bay,我地就揸車沿住條路出番去,去出名ge Ross小鎮,果時已經係下晝,我係果度開車越開越快,好似個零鐘已經揸到去ross. ross最出名ge係傳說中魔女宅急便ge果間bakery,入咗去食左入面ge vanilla slide,wa,味道好正,仲有用碳爐烘焙ge麵包,pie同碳燒咖啡,味道真係好特別.呢度間郵局同條橋都幾特別,影完相就再出發
由於時間ge關係,風車小鎮oatlands我地只係經過左影下相就算,接下來又開始揸左漫長ge二百幾公里去eaglehawk neck去book左果間hotel(其實叫民宿就差唔多)度住.因為諗住第二日去呢度出名靚ge地方port aurthur...澳洲出名ge監獄...
去到間hotel,hotel主人係當地澳洲人,已經有咁上下年紀,好好咁帶左我地去一間屋仔門口,停低左架車,帶我地入屋指俾我地邊間房可以瞓同熱水爐點用.仲有問我地有無準備晚餐,同講俾我地知呢度d景點可以點去,點安排行程,真係幾好.間屋好大,一層樓,廳有大電視,間房有1張look架床同兩張單人床,跟住仲有另外一間雙人房,同埋有個廁所.間屋廚房係開放式,屋主好好,話雪櫃有腸仔,唔夠野食自己拎黎食仲要for free.真係好nice.
交帶完我地決定住雙人房,因為唔知有無人再入黎住,打搞我地做正經事:smile_13:
咁我地又再揸車兜左個圈,影下日落,由於得手機同go pro,景又好難就,影出黎效果麻麻地,不過tasmania俾我個感覺係,大自然,用番我地ge靈魂之窗去紀錄佢ge自然美,就係最高境界,所以我同阿ann都好enjoy浸沒在呢個氣氛之中...日落ge水ge倒影,映出火燒雲ge美,清爽又涼快ge風,就令我地個人身心都放空,ann伏係我個膊頭,我地係架四驅車入面,渡過左美麗ge黃昏
返到去,今日除左我地兩個無其他住客,正!!我地屋外面係個小型雞場,屋主話夜晚唔會過黎呢邊,我地連窗簾都無關,返到去就先煮左碗麵同零食食,然後就...嘿嘿嘿...
