上回講到，我會考會有幾多分呢？
1A1B2C2D
第一時間我同屋企人講自己成績，之後就係Freda小姐，我叫佢估我幾多分，佢估我18分以上，我就話：“咁你要做一樣我想你做既野喇！”佢唔信我有18分，但又要估我18分，想點呢？之後我直頭俾埋張cert 佢睇，佢先信，佢再問我想佢做啲咩？我話今晚食飯，佢又OK.
嗰晚8：00，約左佢喺火車站等，佢著得比平時唔同。一條one piece既裙，好洋娃娃feel(點解咁好波唔著得性感啲呢？)但都係一個幾靚既女仔。我地之後去左間cafe食野，傾下計，佢問我佢點算好，因為佢得10分，我唯有俾下意見佢，傾左無耐，佢問我“你拎到18分就只係想我同你食餐飯呀？” 我心諗緊係唔係啦，唔通話，我想扑你，我想試下扑野，我想揸下你個波咩？最後我竟然問佢，“你可唔可以做我女朋友？”佢無出聲，視線轉左去望其他地方，避開左我既眼神，大家靜左差唔多3分鐘，我話不如走喇，佢只係點頭話好，無出過任何聲。
送到佢樓下，佢話對唔住，佢未想同我一齊住，等佢冷靜下先。其實我都知自己輸左，我亦無去強求佢考慮清楚等等。
呢晚之後，佢都無再打俾我，而我都因為佢話想冷靜，我都無再打俾佢。最後我去左第二間中學讀中六，而從朋友口中得知，佢選擇repeat.
新既生活開始左，我都開始忘記佢既事，我有我既中六新生活，我依然係比較出名既學生，因為依然喺運動會拎好多金牌，又係學校既足球隊隊長，又係社既體育幹事，仲識到好多低form既女仔。不過呢個時候，我反而無意中發現左文科班既一個女仔，其實又係一個幾靚女既女仔，好斯文既感覺，我亦透過我既網絡，拎到佢既電話(我中六年代開始用手提電話)。我地亦開始左傾電話，認識………而佢(叫佢S小姐啦)亦同我講話第一眼見到我，都有種一見鐘情既感覺。
我諗只要我提出，我地好快就可以一齊，但呢個時候，Freda小姐出現了，佢既一個SMS令我好困惑…………
[
本帖最後由 04329234 於 2015-5-26 04:32 PM 編輯 ]
