那夜凌晨, 我坐上了波士的車上搖曳 (已更新#32 完)

收藏 | 訂閱

46 17.7k

CRE

等待驗證會員

CRE

1^# 大中小簡繁發表於 2015-12-16 只看該作者

那夜凌晨, 我坐上了波士的車上搖曳 (已更新#32 完)

大家好，我叫琪琪，廿零歲，身型細細粒咁，個樣又夠甜，都好得人鍾意架。

我而家返緊份普通辦工室既工作，都係做下文書處理果類，人工就唔高架啦，但勝在無乜工作壓力兼唔使點OT又穩穩陣唔使驚俾人裁員咁。不過返得office 工就預左悶D架啦。日日係咁對住個Mon 對足八九個鐘，真係對到個人都Dry 埋。

我做緊野果個部門好細，加埋我都係得幾個人。上司叫Alvin，年紀唔係大我好多，我懷疑佢其實對我有Ｄ意思，成日都藉口埋黎問呢樣問果樣咁，搞明就係過黎撩我講野啦！其實我除左讀書時果陣拍過幾次拖，出左黎做野之後都係單身一個，真係幾Dry架！所以我都唔係好介意Alvin黎撩我，起碼無咁悶呀嘛！

雖然我地平時返工食飯都有傾有講，但放工之後都好少再聯絡。直至到有一晚，公司有Ｄ緊要野做，我同Alvin 都搞到好夜，連尾班小巴都開埋。我知Alvin平時有渣車返工，呢個時候梗係要佢發揮男士風度既時候啦，條友仔果然係冇托手爭，仲話車埋我去屋企樓下添喎! 爽!即刻跟佢去停車場上佢架車。

＂你一個人住架＂Alvin問我。
＂算係啦。其實間屋係阿爸阿媽既，但因為佢地退左休之後大部份時間都返左大陸，間唔中先落返黎香港，所以多數都係得我一個人架咋。＂
＂咁又幾好喎一個人住晒，不過咁會唔會好悶架？多唔多朋友黎搵你咁架＂
＂間中有啦，不過平時返工邊有咁得閒架。放假果間有時都會叫Ｄ同學上黎玩既＂

雖然Alvin不嬲都係咁撩我講野，不過我feel佢今日有D怪，梗係覺得佢一有機會就轉個頭過黎望住我心口咁。可能因為果晚咁啱我著左件低胸衫啦，一諗起我塊面就開始有D面紅，但竟然一D反感既意思都冇。Alvin 都好似發覺到我有D唔自然，於是佢都冇再出聲專心渣車。

＂你係咪住呢度樓上呀？＂
＂係呀，就停係度得啦。＂

夜晚冇乜車，所以好快就到左我屋企。其實果一刻我有少少請佢上我黎我屋企度……但諗諗下第一次俾人送返屋企已經咁親密，真係覺得有D唔好意思。我承認我係貪玩但唔係濫交架!所以同Alvin say goodbye 之後我就自己返左上屋企。

[ 本帖最後由 CRE 於 2016-2-2 03:28 AM 編輯 ]