dragonbone

引用:

原帖由 ge200135 於 2015-12-15 08:49 AM 發表


c兄你呢度係砵蘭街茶餐廳，呢度係風花雪月，要玩就出面！hehe！不過我鍾意呢度！

師兄,蘭就蘭,老蘭得唔得啊,好D喎,HAHA.....但都係老蘭對落既餐廳.
我鐘意果種黎飲野,傾計唔係黎搵食既BAR,最多係D人黎食小食就得嘞.

dragonbone

引用:

原帖由 JSSWF 於 2015-12-15 10:29 AM 發表
如果我做比師兄你食, 一定會全SET
由頭盤做到甜品比你食:smile_o06:

哈哈,咁今個聖誕妳整俾朋友,老公又或屋企人食時,記得分享下你整過咩先得~~~~

JSSWF

一定啦, 你記得留意下喎, 今個星期日呀:smile_o01:

引用:

原帖由 dragonbone 於 2015-12-15 10:33 AM 發表


哈哈,咁今個聖誕妳整俾朋友,老公又或屋企人食時,記得分享下你整過咩先得~~~~

hongkongboy2046

引用:

原帖由 JSSWF 於 2015-12-15 10:40 AM 發表
一定啦, 你記得留意下喎, 今個星期日呀:smile_o01:

我呢隻為食鬼都等睇你的分享。

JSSWF

呢度分享唔到相喎, 點先加到相架:smile_o06:

引用:

原帖由 hongkongboy2046 於 2015-12-15 10:46 AM 發表


我呢隻為食鬼都等睇你的分享。

dragonbone

引用:

原帖由 JSSWF 於 2015-12-15 10:59 AM 發表
呢度分享唔到相喎, 點先加到相架:smile_o06:

其實得,但比較煩,有無師兄識.
N年前我都有UDLOAD自己既作品,講工作既野.
但果個ACCOUNT已無用N年.
要幫手我就要搵搵先得~~~~

dragonbone

回一下帶先~~~~HAHA
*第8段，那些年，眾人女神----阿JUNE*
***********************

接落黎果幾日我地好好，直到我可以返學了，因為要追其他學科，佢又要出卷，大家都好忙，就少見面左了。而同學之間就反而CLOSE左好多，我記得果時一起溫書既都有suki同阿強，同suki一齊感覺係好唔同既，佢始終同我同齡，好多野都傾得好埋，而且佢本身都已經善解人意。咁JUNE呢?其實我同佢係疏遠左既，點解?唔知大家試過同朋友同一時間鐘意一個女仔未?JUNE其實就好似那些年既女主角咁，成績好，又斯文又乖，大把男同學追，在我黎講，有個奇怪既思想，就係朋友鐘意既我就會stop，因為我唔想因為女友而無左朋友，呢個算唔算所謂既義氣呢?真係唔知道了。果時同我都fds底既仲有個叫小李既同學。有日佢問我係唔係鐘意阿JUNE，因為佢聽阿強講過，而我就矢口否認了，所以接落黎就仲變左我幫佢追阿JUNE添。最記得同阿JUNE決定成為朋友的那一天，亦係我幫小李表白既同一日。係，果時都興幫朋友追女仔架。
我: 小李鐘意妳喎，俾個機會人地啦。 [ 我對住阿JUNE講，果時係放學後既走廊，一邊是課室，另一邊是向街外。 ]
JUNE: 係咩?咁你呢?
我: 我?我咩先? [ JUNE少有既主動問這問題同時加上佢生鬼既表情，講真，仍舊吸引。 ]
JUNE: 小李，我知道啊，一早知添啦，咁你呢?你有無鐘意我啊?我想知喎~~~~ [ 她在佻皮。 ]
我: 哈哈.......以前有，而家無了。 [ 我坦白承認。 ]
JUNE: 哈哈，我知喇。 [ 她忽然向外望去，聽我說話後又再望向我。 ]
我: 妳知..............? [ JUNE原來一早知道我鐘意佢，因為阿強口多多，但我鐘意佢一直都無行動 ]
JUNE: 因為小李嘛，哼，你地D男人，我知道咩回事啦。而且你仲有suki同MS LI添，嘿嘿......你咁忙。 [ 她像因為知道我的秘密而在笑。 ]
我: 哎呀，妳講咩啊。
JUNE: 我地仍然係好朋友嗎?
我: 係，我地係好朋友。 [ JUNE望住我，少有地凝望住我......啊，唔係，呢種感覺以前出現過，係數學堂時，佢坐我旁邊時，又或每次早上交功課我問佢借黎抄時，佢都有咁樣凝視我，點解而家我先留意到呢? ]
JUNE: 同小李講，我唔會鐘意佢架，快大考喇，俾心機溫書啦。 [ JUNE好快轉身就走了。那次轉身，好像下定了決定似的，又像是放低了什麼似的，當時的我，說不出這是什麼樣的感受來。只知道我倆接下來的日子，我同阿JUNE，依舊是朋友。 ]

那麼suki呢?佢有陪我一齊溫書，學校亦會因為大考來臨，放左學都會俾學生留低溫書既。
suki: 有信心嗎? [ suki指升班，因為我始終真空左差不多2星期無返學。 ]
我:哈哈......盡力而為啦，妳呢?
suki: 我都會俾心機既，但下一年我想同你同班啊。 [ 今年係我識佢既第2年，第1年同班，今年佢a我b，所以出年，佢當然想同我同番一班啦。 ]
我: 哈哈，我地一齊俾心機升班先啦。升到已經好開心了。 [ 註: b班潛規則係精英班的。 ]
suki: 如果一齊升到有無得獎先? [ 她在做鬼臉，古靈精怪既佢最會逗人笑。 ]
我: 哈哈，小姐請問妳想點獎呢?
suki: 升到班，俾我話一次事。 [ 她cute爆，實在難以拒絕。 ]
我: 好好好，哈哈............. [ 沒想到，這句對答幫我日後找出答案來。 ]

我唔太識描述人，如果問我suki同JUNE俾我咩感覺。suki應該就係糖妹類型，屬可愛的，她會帶住笑容出現，這類型的女仔會為男方帶來活力。而JUNE呢?佢外型似女主播周家儀咁，感覺亦很灑脫的，她感情不易外露，和她一起，你會有點壓力，但有自信既男人會變成更有動力去表現自己。她們兩人完全給人不同的感覺哩。你/妳又會鐘意邊種呢?記住，係感覺似，唔係樣似，哈哈。

……TO BE 下回……

dragonbone

出發前更新俾大家~~~~

*第9段，人鬼情未了*
***********************

好快就大考了，記得果時真係好辛苦，而因為避嫌，我考前無搵MS LI，但而家考完就唔怕啦。果時考完，我就主動約MS LI去睇戲，但我始終係學生，零用錢有限，所以MS LI就提議黎我度睇碟。而我呢?就準備定野食。
果餐飯食完後，MS LI就拎佢講左想睇好耐既戲出黎，果套戲我記得係我串佢既開始，亦係我地感情既開始，係咩呢?就係一套西片: GHOST----人鬼情未了。記得MS LI曾同我講，呢套戲，佢好感動當中男主角為感情既付出，為一路保護女主角既安危付出而努力。佢講佢既ex唔明，而我當日既頂撞，串佢，但又不失細心令佢諗返起佢既ex。我多少有點點佢ex既影子。我又無呷醋，仲笑笑口講:
我: 我似佢?佢有無我咁高大靚仔先? [ 利申，我唔高大靚仔，但點都輸人唔輸陣啦，哈哈。 ]
MS LI沒好氣回應: 係，你靚仔D。 [ 佢在耍我啦當然。 ]
套戲睇完，果時既我，其實唔係好有共鳴，我見佢眼濕濕，就拎左紙巾俾佢。亦遞上我準備好既禮物。唔係咩名貴野，係一條手繩。如果妳問我，點解揀手繩既?因為……靚囉。
MS LI: 送俾我?點解既? [ 佢surprise的，開心既唔係份禮物，而係心思。 ]
我: 係啊，MS LI咁好人，送俾佢縛住佢，等佢唔好走左去囉。 [ 我知佢同佢ex分手時，分手得好突然，佢點講佢男友都要走，都要離開。佢同佢ex睇既最後一套戲，就係GHOST了。其實果時我想佢開心返的，所以送呢條有色彩既手繩俾佢，出發點亦都好簡單，而佢..... ]
MS LI: 哈哈，你咁口甜舌滑，MS點捨得走啊........... [ 我呢，其實無咩準備，勝在驚喜時時有。 ]
我: MS LI等等，仲有甜品，食完先走。 [ 其實唔係咩特別野，想當年，可以有咩呢?咪就係jelly之嘛，哈哈。但就食得好開心。 ]
當食完之後，佢就執枱，我就去洗碗，佢執好就入黎睇我洗同埋幫手抹乾淨。
我: 如果時時都係咁就好嘞?
MS LI: 請問邊方面呢?
我: 梗係有MS LI陪啦，有靚女一齊食飯喎，食都食得開心D啦。 [ MS LI，從無講佢性格同外型添，佢其實性格掘強，唔認輸，好勝，說到要做到，絕不拖泥帶水。但佢外型係幾吸引既，身材唔係嬌少玲瓏型，相反線條較粗，可能佢有跳開舞，(興趣班，我見過佢跳竹舞。身型很健康，要搵個人代入佢，鍾麗緹吧，cool得黎其實外冷內熱的。)
MS LI: 哈哈，咁我黎緊放暑假咪要搬入黎? [ MS LI笑笑口，我就呆一呆停左，心諗:好喎，點解我無諗過既?MS LI見我真係0係度諗。 ]
MS LI: 你就想，快D洗碗啦。 [ 果一刻，係幾warm既，我鐘意呢種感覺..... ]
之後，我就送MS LI搭車走了。好快，學校既每一科都陸續講成績出黎，我成績唔好，因為停左學太耐，有好幾科都考得好差，果時知道我既總分比阿強仲要差，而阿強唔好我好多，但都仲好樂觀。 (  我記得我數學係考得好既，因為最俾心機果一科 )
強: 唔使驚喎，最多咪一齊留班囉.............
我: 食屎啦你。 [ 講真，我係有D擔心既。如果佢留，我就一定仲要留添。 ]

……TO BE 下回……

hongkongboy2046

引用:

原帖由 JSSWF 於 2015-12-15 10:59 AM 發表
呢度分享唔到相喎, 點先加到相架:smile_o06:

有點複雜。你要先上載到一個相片分享網站，然後再用img tag 將條link變相post出來。如果是網上已經有的想片就簡單一些。

要幫手就出聲。

sam7211

一口氣更新兩段，一陣慢慢睇。。。