dragonbone

今日大家有無得早放呢,我好多朋友都早放工呢~~~~
但我無.....仲處理緊公司事呢.

hongkongboy2046

引用:

原帖由 dragonbone 於 2015-12-31 05:43 PM 發表
今日大家有無得早放呢,我好多朋友都早放工呢~~~~
但我無.....仲處理緊公司事呢.

我都冇，應該就快走得。

dragonbone

好,係2015年12月31日,黎個UPDATE先,黎迎接一下2016呀下.
大家HAPPY NEW YEAR~~

dragonbone

*第12段，讀唇，示愛，你懂嗎?*

她在說，我在聽，她忽然說得很細聲，細得根本聽不見，我很自然的探頭去問……
我:什麼？
她:沒什麼……【她向我迎來，我沒有閃，可以說不懂閃，亦想不到要閃，因為她在吻我。那是多麽的溫柔，接下來她再說.......】
她: 真的.......沒什麼了 [ 我有點茫然，因為真的不知所措，然後她走了，離開了我家，我沒有追，那時......不知怎的就是不懂去追，而原來她.......除關了我家的門，同一時間亦關了另一扇門，我們感情的門。 ]

***********************

之後好記得當晚suki打給我，說既然升班，我又應承左俾佢話事，另一日就約埋一齊去離島玩2日1夜了，其實我對出去玩興趣不大，但應承左就出發啦。當然唔止我同佢啦，仲有阿強、JUNE、YEN、小李同埋幾個FD啦。我果日有事，就遲左入去。跟住阿強俾既地址，去到出租屋，班友仔原來剛好出發去沙灘玩。我呢，換好衫隨後就到。出租屋去沙灘好近，約10分鐘就到，我換好衫就出門口，原來suki係度等埋我。
suki: 你識去沙灘嗎? [ suki又用佢迷人的大眼睛望住我。 ]
我: 識，其實一條路架喳。
suki: 其實唔止架，仲有條行得快d既。我帶你去。 [ 說完就走，我地行既捷徑，條路要經一d大小不一石頭，即上面會有d有青台果d。因為我見佢行得好唔穩。我就借手臂俾佢扶，但佢都係行得甩甩地。 ]
suki: 估唔到咁難行添。 [ 佢著住既涼鞋行呢d路實在大整古。所以我索性......... ]
我: 俾我拖住妳啦。 [ 我拖佢果下，其實又無特別諗咩，但當拖時，先發現佢手好細，好滑，好暖，而佢亦同時握住我手同手臂，好快就行過了那堆石。 ]
suki: 你隻手好大好舒服啊。
我: 肥嘛，haha......... [ 轉頭我已見阿強佢地玩緊，我好心急就跑過去了，但拖住suki就跑得好慢，所以佢都放手，俾我走過去玩了。 ]
係沙灘上一齊玩，係好開心既，而有d人玩玩下都會走左去游水，我都唔例外，我跑左去海度玩，而我見suki一個人玩玩下走左去石堆，原來佢去左捉蟹仔，佢見到我就叫我一齊。佢真係叻，除左捉蟲，我最叻就係捉蟹。( 唔知係唔係污染，其實而家感覺比以前少左好多，我對上果次去大浪灣，巧合見到同手心差不多大小既蟹喳。之後都無幾隻了。 )
係石堆中捉蟹，其實危險又好玩，危險係有d位好水深，又"扇"，而且捉時會幾忘形，越跑越出，suki就係咁，行得好出，潮退無問題，但一潮漲就麻煩了。而佢不知不覺行得好出，我為免危險都跟埋出去，果然，佢一下唔小心踩左入水深位，失去平衡手臂撞上石頭，有D輕微擦損左，我好快咁走埋去扶住佢。我先將佢插入在被海同沙啜住既腳抽出，再慢慢放佢係另一石上抖。果時既我係著住泳褲既，而suki呢，就係bikini泳衣加一件短袖。其實我好奇怪d女仔成日都加多件衫做咩，當然有好多說法啦，有怕曬啦，有怕肥啦，主要係又怕睇蝕啦。但我知suki果一刻無咁諗，因為...............
我: suki，妳隻手損左啊，有無事? [ 我輕輕力掃走她手臂上的那些沙，而佢整個人慢慢的依偎住我，少女既香味，體味，體溫同一時間襲來，好震撼，我當堂意識佢係一個幾吸引既女仔。 ]
suki: 有d痛，細力d。 [ 佢定神地望住我，換著以前我唔會理，但今次氣氛環境好唔同。我地係位於日落既沙灘中旁邊的石堆上，水已由及膝慢慢漲起上來，我背靠在石旁而她整個人依靠住我，忽然她雙手環抱在我頸後。講真，除左唔計玩，我第一次同女仔咁近，仲要係佢慢慢整個人完全靠在我身。 ]
suki: 你蝦我.......... [ 她在撒嬌，那環境怎可能不受落，要不是水深已上腰，就真的尷尬到不得了........ ]
我: 邊有，妳睇個太陽，成個咸蛋黃咁喎。 [ 我在分散注意，唔分真係會上唔到水，但佢親近我的動作沒有退後，相反攬得更緊緊的。 ]
suki: 係喎，我第一次咁樣睇日落架喳。 [ 我們一同望向同一方向。 ]
我: 我都係............ [ 唔知大家曾這樣未?看了難得的東西，吃了好味的食物，到了舒服的環境，心裡會不期然泛起(如果某某在一起就好了的想法呢?)我有，但那位既不是JUNE，亦不是suki，而是MS LI。那時我想起了MS LI在學校找過suki，我正想問起suki之時，她........... ]
suki: ???????? [ 她在說什麼，我在聽，但剛好有海浪的拍打聲了，聽得不是很好，而且她又說得細聲，但我忽然醒起了。suki剛剛說的嘴形，和MS LI很相似，令我緊張起來，因為當日錯過了的，今天不想再錯過............ ]
我: 什麼?
suki: 沒什麼....... [ 怎麼又和MS LI的情況咁相似的，今次我沒有呆等了....... 我怕失去。 ]
我: 講多次，一次就得了，我剛剛真係聽唔到啊......... [ 那時suki攬得我更緊，好哄得我很埋很埋。 ]
suki: 邊有人會講多次架............真係好蠢架你。
我: 講多次，真係.........
suki: 我鐘意左你啊你知道嘛~~~~ [ suki面紅紅的在說，那張咀哄得很埋，就像當日MS LI一樣，我在回想MS LI當日的說話同時，suki輕輕的吻上了我。我沒有任何反應.............除了浸在水裡的下半身……suki在吻，她的咀唇是多麼的柔軟，身體肌膚是那麼的幼滑，那時我在想:女仔都是咁溫柔舒服的嗎? ]
我: 我.........
suki: 傻佬，MS LI有同你講嗎? [ 我心離一離。 ]
我: 佢講咩啊?

……TO BE 倒數開始4……

Downsleepless

引用:

原帖由 dragonbone 於 2015-12-31 06:35 PM 發表
好,係2015年12月31日,黎個UPDATE先,黎迎接一下2016呀下.
大家HAPPY NEW YEAR~~

有update ! Good

sam7211

雖然百忙在身中，都入嚟同版主和各人夫人妻師兄師姐講句除夕快樂，願祝大家明年會更美好!2016各位都大快樂啊!





[ 本帖最後由 sam7211 於 2015-12-31 07:58 PM 編輯 ]

conradt

祝各位人夫人妻2016 年新年進步，朝氣勃勃，記得2016 多一天和😄partner 相聚...366天 Cheers

hongkongboy2046

引用:

原帖由 dragonbone 於 2015-12-31 06:36 PM 發表
*第12段，讀唇，示愛，你懂嗎?*

她在說，我在聽，她忽然說得很細聲，細得根本聽不見，我很自然的探頭去問……
我:什麼？
她:沒什麼……【她向我迎來，我沒有閃，可以說不懂閃，亦想不到要閃，因為她在吻我。那是 ...

suki: 我鐘意左你啊你知道嘛

....

Suki 示愛啊。師兄當年外型應該不俗。

我那時就含含糊糊，曖曖昧昧了很久...

dragonbone

引用:

原帖由 hongkongboy2046 於 2016-1-1 12:33 AM 發表


Suki 示愛啊。師兄當年外型應該不俗。

我那時就含含糊糊，曖曖昧昧了很久...

係，當年諸葛亮，而家豬一樣。哈哈

dragonbone

祝大家開心啊2016年~
男人事業有成，女既青春常駐。
大家身體健康!咦?咁似農曆新年賀詞既?哈哈。