沙王 <第二章:第一節>
沙王 <第二章:第一節>
話就話唔驚, 但上去既前一日我就偷偷地0係老豆個櫃桶拎左把瑞士軍刀傍身......
萬一俾人打刧, 除左港幣同電話, 都有把軍刀俾D賊搶.
上到去, 有一個行路四平百穩, 體重過二百, 操港式普通話,
貌似秦煌既GM見我, 就同我講:
「你既工作就係要將工作安排俾唔同部門既同事, 你就同其他部門匯報每個項目既進度.
」
心諗, 咪即係一出事第一時間就搵我黎屌同祭旗.
其實諗深一層, 呢D下欄野通常都係我呢D初出茅廬,
又冇家庭負擔既人做.
因為一出事你就隨時就fire!呢一份一個星期6至7日都留0係深圳廠,
每日都抱住俾人屌就係你工作一部份既工作.
跟住有個人事部哨牙仔帶我返宿舍, 間宿舍就正正0係你返工office個度距離唔夠20米,
放左工既感覺就好似仲未放工咁, 個老細唔知係唔係整古定特登.
個哨牙仔同我講有時夜班同事一有問題, 就算係夜晚11點,你都要返去!
仲話內地同事對住你就恭恭敬敬,
主要係想你請食下午茶或者叫你幫手帶奶粉,你要小心D.
背住你就話你「港燦, 睇你幾時俾人炒!」
乜料呀?!
執下野, 行下廠, 就同lunch時間. 香港既同事個個都大我8年以上,
慢慢傾下計, 點知有7成都0係大陸娶左老婆,
另外個3成就係有情婦或者包緊二奶.
佢地一放工都會同大陸妹食飯飲酒打邊爐食狗肉.
個老板第一句問我叫咩名, 第二句就問我有冇叫雞既習慣……
蛇咬都話冇啦.
而我廿零歲, 一向自命受過高等學歷與別不同,
出於污泥而不染既我堅決向大陸妹說不, 唔步佢地後塵.
所以頭一個星期每日放工都只會返宿舍狂煲港劇, 翻牆上forum, 緊貼潮流,
誓要做一個真正香港人!
