現袋性教育導師

怕有BB？驚中招？自已睇下啦！

1. 驗孕棒幾時用先準嫁？！
一般驗孕棒喺發生性行為14日後用會比較準確。
藥房/個人護理用品店就買到喇，大約$40-60。
用法普遍係：

1)直接小便喺吸收棉上面最少兩秒，或者；
2)小便喺乾凈嘅杯入面，然後即刻將吸收棉浸落去十秒。
3)跟住套番驗孕棒個蓋，將驗孕棒平放好。
4)等五分鐘左右，測試完成顯示窗會變成紅色(或一條紅線，每隻牌子會有D唔同)，表示測試正常，可以睇結果喇。
5)如果驗孕結果顯示窗都有出現一條紅線(或+號，每隻牌子會有D唔同)，就表示妳好可能有BB。如果無出現紅線，就表示兩星期前嘅性行為應該無令你懷孕喇。
** 不過當然以說明書作準啦。
另外，如果過多一、兩星期仲未黎m， 建議去睇睇醫生，或者驗多一次。

2. 體外射精點會有BB ！？
體外射精都可以有BB同感染性病，因為響做愛過程中分泌裏面己經有500-700萬條精蟲喇！數量足夠令到個女仔有BB啦！如果長期都係用呢種錯誤嘅方法避孕就小心喇，好大機會做爸爸媽媽喇！都仲未計個男仔認唔住中出喎，小心啦！

3. 衝紅燈唔會有BB掛？
女性既月經週期為28日，如果月經期間無排卵，理論上就唔會有BB。但係，有陣時月經週期未必咁有規律，而做愛既時候又無用到避孕措施，就有機會懷孕了。最陰濕既係，精子既生命力頑強，入左女性陰道後可以係子宮生存到3-5日架，過千萬條嘅精子只要遇到一粒卵子就有懷孕機會嫁喇！

4. 計安全期．前七後七避孕準唔準？
坊間既所謂前七後七絕對唔係推算安全期的方法，安全期就即係排卵期推算法，但因為女仔係青春期期間排卵受好多因素影響，所以經期根本唔會準。而且估唔到個女仔幾時排卵啦！

5. 究竟邊度有事後丸賣??
其實家計會係得買嫁！！！！
家計會係唔會報警架，同埋肯定唔會買到假藥先！
仲有家計會仲會有醫生幫你睇下個身體岩唔岩食事後丸。
其實係街度有藥房都有得賣，不過係犯法嫁，要小心買到假藥囉
而且事後丸係要響做完愛之後既72小時內食晒2粒架，
通常事後丸都係1排2粒咁樣，食完1粒隔12小時再食1粒
而且荷爾蒙劑量好高，食完有可能會嘔或者頭痛，
所以有個醫生幫你睇下係好緊要！！！

[ 本帖最後由 現袋性教育導師 於 2012-10-17 11:03 AM 編輯 ]

hqkwtang

補充多句, 女性有2邊卯巢同輪卯管, 唔係計住28日周期就得, 2邊都會不定時排卯, 所以今生今世都係用避孕套好d .

hqkwtang

成日你不定時解答靚仔的疑問, 希望有人會記住, 唔好成日事後先黎問, 下下出左事就揾個女仔黎較飛