要跟蹤馬老闆先從出沒地點開始，我走左去搵一個江湖人仕叫阿南既。幫我搵料。
佢係我一個中學朋友，雖然佢係古惑仔，不過其實都幾好人既，又有義氣，阿南唔係咩大佬只係D小頭目，不過江湖網絡都唔錯，曾經傳聞話過阿南班兄弟俾五十條友伏擊，阿南帶十個兄弟由銅鑼灣走到灣仔，都無穿無爛，我就打左過電話約佢出黎見面。
「南哥好耐無見。」我
阿南「咁奇怪既俊哥，咁耐唔見，黎搵我唔係咁簡單喎。仲做緊茶記太子爺？」
我：「係呀，今次黎想你幫我查D野？」
阿南：「無問題邊個﹖」
我：「天皇娛樂個馬老闆？佢都同社團有關，係咪？」
阿南：「屌，搞娛樂既邊個唔係社團呀，不過馬能呢條友係第二個幫既，我唔係佢地個堆。不過都知到佢邊頭浦頭多既」
我：「夠啦佢邊度浦多？」
阿南「天皇公司總部果度囉。」續說「俊，唔好搞大獲野呀，呢D大老細黑白兩道都好多爪牙，佢仲係東英既金主，大陸都同佢好有關糸，你玩唔起。」
我：「無！我唔係搞咩大野，我知架啦。」
南「聽講呢個馬能呢排都有D仇家想”林”佢。原因係D咩生意問題。不過聽講佢有個貼身保鑣長時間跟住佢好勁抽架」
「OK咁無乜野啦」我講
阿南：「OK啦係咁先！」
我：「呢餐我既！」
阿南：「有咩CALL我，我實幫你！」
好聽日起跟蹤馬能，睇下呢條友平時搞乜！
一日後，我已經到左天皇娛樂間總部樓下，尋日問過阿南知道馬老闆大既呢個時間係樓下出現，無耐15分鐘後真係見到馬老闆，馬老闆隔離仲有條女同有個司機跟住佢。衣條女咪係雜誌成日出現既o靚模。
突然之間，有架van 仔停係佢地3個人前面，然後六個帶面具既人拎往水候通，開山刀跳出車門再劈去馬老闆度，「嘩呢班應該係馬老闆D仇家，好劈死佢」我心諗。
突然有人講左一句「你退後D」原來係果個馬老闆司機講既，之後馬老闆真係退後幾步，好冷靜咁睇佢個司機一抽六。咁自信！？
個司機”BOOM””BOOM”兩聲打低最近個兩個面具佬，拳腳快到我都睇唔清，赤手空拳對六個立”架生”
既人，仲一臉自信，結果”三爬兩步”KO哂果6條友，6條友一下都傷唔到佢，
襲擊馬老闆班友見勢色唔對就叫「閃啦條友好堅！」然後襲擊馬老闆班友好快上返車走人。
有無咁誇啊！打低哂班友，一打六。班友走哂後，馬老闆輕鬆上車仲講左句「好野喎阿克，神人真係神人！」個司機原來叫阿克，睇黎唔係咩簡單人物。
番到屋企聽啊爸阿媽講聽日會有雜誌黎影相，睇黎聽日我又要預備潛返入鋪頭睇下有咩野發生。
[
本帖最後由 丹民達 於 2013-6-6 01:14 PM 編輯 ]
