（最後的五天）
一訓就又訓到朝早九點，例牌照舊刷牙洗面，刷牙果陣見到媽媽條牛仔超短裙係度浪緊，咁都正常既條裙著左兩日梗係要洗啦！之後落樓做野，好期待媽媽無短裙著會著咩呢？
行到自己鋪頭門口，竟然無爆棚，但裡面仍然坐爆哂！的確比平時好左好多！
但見到媽媽竟然又著番低腰牛仔褲，難怪今日客人無尋日咁勁啦，D人真係現實，其實媽媽著乜衫都係咁正架啦！
今日氣氛明顯無尋日咁高漲，仍然有吾少新客係度欣賞媽媽，又打量媽媽身材，對每個部位都作出吾同評價，當然係好高評價啦！
今日比尋日舒服好多，工作量無咁變態，所以我有時間留意媽媽一舉一動，見到媽媽有時都禁下手機，應該係發信息吧！但知道又如何呢？媽媽應該會刪，所以要盡快搵到四眼珍幫手！
做到七點左右終於肚餓啦，我自己整左個餐蛋麵黎食，走去媽媽收銀枱坐底慢慢食。
食食下…突然有個和尚推門入黎，衣著好似個少林神僧咁，灰色既布衣，頸上更加戴上一條佛珠，下身著埋隻類似白飯魚既布鞋！而個樣睇落應該有50-60歲。
「吾好意思…我地無錢俾你！」媽媽見到即時走出黎擋住個和尚
「你誤會啦…小姐！我黎食野架！」
「吾好意思…我地依度無齋食喎！」
「唔緊要架，小姐！」
「下…」
「麻煩俾個豆腐火腩飯！」和尚繞過媽媽走去我坐緊果張枱黎坐
「咁你飲咩丫？」媽媽無奈地對住和尚說
「清茶得架啦，麻煩哂！」和尚點點頭
我係度咁耐和尚的確見過唔少，但係係入黎乞錢，但未見過和尚入黎食野囉。
明明和尚食齋，但竟然叫火腩，擺明神棍黎！肯定黎呃飯食！都唔知食完有無錢俾！
火腩飯好快就黎到，和尚坐係我對面，拎起筷子慢慢食，好似食得好正經好有修養，唔似一般麻甩佬咁狼死，同時我亦發現原來佢拎走火腩同蔥花夾去碟邊，無食到，的確似係食齋喎！
依條和尚佬，究竟真和尚定假和尚呢？暫時睇落去完全無破綻！
當個和尚食完既時候，突然望向媽媽度。
「老闆娘，可唔可以我幫你算一算命，換我依餐飯呢？」和尚微笑向住媽媽講
「你即係無錢俾？係咪？」媽媽聽完，個樣明顯嬲嬲地
（果然俾我估中，真係呃飯食既死和尚！！）
「唔係，當然唔係啦，只係純粹想幫你算一算命！」和尚好冷靜咁回應
「唔洗客氣啦，麻煩你28蚊！」媽媽個樣真係好鬼cool！
「好！」和尚伸手入心口度，拎左個好似錦囊，係入面拎出3張10蚊紙出黎
「找番二蚊，多謝！」媽媽接完，找番二蚊俾佢
（竟然又有錢俾，可能呃唔到飯食，先唯有拎錢出黎！）
和尚食完，竟然仲唔走，繼續坐係原位，飲左淡清茶。
「老闆娘，你應該係屬豬，對嗎？」和尚合埋對眼，然後對住我講！
媽媽聽到，竟然呆左，諗左一陣「你點知架？」
「你最近應該有好多不如意既野，煩擾緊你，對嗎？」
「例如呢？我唔係好明你意思喎！」媽媽望住個和尚既反應
「桃花劫！」和尚仍然雙眼合埋！
「下！」媽媽呆左
「我睇相咁耐，從未睇錯過！」和尚終於開眼啦。
「從你面上氣色紅粉漸露，柳眉鳳眼！一生桃花多！」和尚突然望向媽媽度
「下…」媽媽開始認真聽和尚講野
「你係咪辛亥年出生？」和尚望住媽媽
「係丫！」
「咁請問你邊月邊日咩時辰出生呢？」
「咪住，我已經收左你錢，你咁樣問我，陣間會唔會想屈我一筆架？」媽媽走左出黎，企係和尚面前。
「小姐，你言重啦，我純粹想見你有心事，幫你一把！絕不收錢！」
「一蚊都唔收？」媽媽好認真質問佢
「出家人不敢妄言！」和尚雙手合埋，點一下頭
「好，我11月26日朝早8點出生。」媽媽
和尚屈指一算，然後算左大約十秒「辛亥年 己亥月 乙卯日 庚辰」
「係掛！」媽媽好似聽唔明
「你應該係早婚吧！」
「係丫，我好早就結婚！」媽媽點哂頭！
（唉，你個死和尚，係人都知啦，我都咁大個仔，唔係一早結婚！唔同岩岩結婚咩？）
「你命中註定配少夫。」
「少夫？」媽媽好似又聽唔到
「即係你另一半應該係比你細。」
「唔係，唔會！」媽媽搖哂頭！
「如果唔係，你應該仲有一段婚姻。」和尚問住媽媽
「痴線！你唔係係度亂咁講！」媽媽開始嬲了，然後走番入收銀度
「老闆娘，信不信由你！你命中的確註定配少夫！」
「夠啦，你唔係係度亂講野！」媽媽望都唔望下和尚，扮哂計數。
「你天生桃花旺，點擋又擋唔住，相信宜家已經有一個男人會想盡辦法得到你！」和尚
「阿偉，你食完啦，入去水吧做野！」媽媽突然望住我，竟然駛開我，驚死我偷聽到咁。
無計，我唯有入去水吧，但媽媽竟然走埋去坐我頭先果個位，繼續同個和尚講野，媽媽唔係真係信佢丫嘛！咁遠無可能聽到。
當媽媽坐左落去，我即時靜雞雞走番出去，然後扮哂抹枱，係附近繼續偷聽！
「咁我有咩辦法丫？」媽媽好認真咁望住和尚
「無辦法！」
「無可能，我真係好鐘意我老公，點可能會變！」
「人會變，月會圓，你要保持依段婚姻，你就要變！」
「痴線！你咪亂講！」
「老闆娘我同你一面之緣，何必要騙你呢？總之有d野令你改變，但依樣係乜，我都唔知。」
「算啦，你走吧啦！」媽媽企起身對住和尚講
「哈哈！」和尚一笑置之，就咁就走左嚕
依個和尚走左之後，我見到媽媽個樣，低頭好似諗緊野咁，睇黎媽媽俾依個和尚搞到好得煩。
我突然間醒起，已經晚上7點半了，我要去尖沙咀搵四眼珍喎。
我即刻交代ｄ野俾財叔，因為媽媽唔俾我出去，我就走後門。
跑到出巴士站，係路邊，竟然俾我再次見到個和尚佬係我前面，和尚佬行下行下，停左係度望住部車，原來俾部車叫停左，咪住依部車咪係洪爺！！
唔可以俾佢見到我，一定要躲埋先。
依個時候，車上既司機落車，果然係洪爺，走埋去和尚度搭住佢膊頭傾計。
突然間，洪爺係西裝內袋拎左張野，遞俾和尚，但個和尚竟然一手推開洪爺隻手。
由於宜家七點幾，成條街係勁多人等緊巴士，我愈行愈近，應該發現唔到我既。
「你收左佢啦！」洪爺再次遞上張紙
「不必啦，今次係最後一次！以後大家各不相干！」和尚又推開洪爺
「你又何必咁呢？」洪爺
「今次幫你，係我當年欠你，並唔係為左錢！」和尚企到直一直，望到天空
「我知我知！但你都無錢洗啦，收左去啦！」
「我要咁多錢做乜，今日我為左你做左件錯事了！真係罪過罪過！哈哈」和尚仰天大笑
「希望上天要報應就報應係我身上啦！」和尚望住天空
「保重！」和尚拍左洪爺膊頭，好瀟灑咁繼續向前走。
洪爺亦望住和尚既背影，無奈地上番自己部車，慢慢渣車走。
原來個和尚真係有古怪，係洪爺派黎老點我阿媽既！
一定要話俾媽媽知先得！不過夜ｄ先！
大獲了，7點45分了，我即刻搭的士去尖沙咀。
去到尖沙咀，好快我就搵到果個地址。
我驚驚地行入去，推開度大門，入到去燈光好暗，好似酒吧feel，突然間有個女侍應走埋黎招乎我。
「先生，唱ｋ丫？幾位？」女侍應微笑咁
「唔係丫，我搵人架！」我淆淆地咁答
「咁搵邊位呢？我幫你查下，姓乜架？」
「唔係丫，我搵個果個叫四眼珍，聽講佢係度做野！」
「哦，你等等丫！」女侍應走埋去櫃枱度，拎起個電話講！
「喂，經理，有人搵你！」女侍應拎起個電話講！
「你係咪叫阿偉丫？」女侍應望住我
「係丫係丫！」
「經理叫佢落去搵佢，你沿住條路，直行轉右，再直行，再轉左，然後落樓梯，落到地牢，就係經理間房啦！」女侍應做哂手勢指住方向
「哦，直行轉右再直行轉左！唔該哂」我又跟住做手勢。
「唔該」女侍應對住我笑笑口
我非常緊張，究竟依個四眼珍係乜樣呢？唔知靚唔靚，索唔索呢？仲要高手！
[ 本帖最後由 BABE阿心 於 2011-10-26 01:16 AM 編輯 ]
