多謝各位師兄一直支持，我次次都盡量會回覆你地，不過睇到有人覺得K係女神，想補充少少野比你地。
好似無咩介紹過我同K既性格，背景同性格。
呢次等我比你地了解多D我同K啦，無故睇，唔知大家會唔會失望呢?
K，其實未必真係大家心想果D女神，樣白白淨淨，係街都會比人望下果D，高我就唔太確定，應該165-170啦，腿呢點一定係佢大賣點，唔會係粗腿，白白滑滑咁，只不過我一直中意佢，所以對我黎講係女神。
性格係熟左超多野講，經常笑，有時唔知點解嗌完我全名但唔講野，係到笑，講野把聲有時好小朋友，唔會講得大聲，經常聽唔清佢講咩，要"控"近D先聽到佢講野。
而我，我一定唔係型男，大隻仔，好多人對我既印象係好少講野，斯斯文文，都間唔中比人讚下令仔既，我係一個有咩事都收埋收埋，開心一定同朋友玩到傻，而唔開心果一面我係唔會比人見到，好多朋友都會中意同我玩，因為我會做D傻事出黎，其他人笑爆嘴，但佢地唔知其實我收堆左幾多唔開心既野係你地睇唔到姐。
打到呢D都唔知自己講緊咩:') ，希望睇完令你地明白多D我同K啦
明天再打埋同K第一次拍拖既事啦~
