精子結構
1. 頭部 - 頂體、細胞核、頸
2. 中片 - 粒線體、細胞膜
3. 尾
頭部 -精子頭部主要由細胞核組成,屬於整個精子o既精華部分。
頂體
內含水解酵素(頂體素),用以分解卵子周圍o既物質,即係爆破專家,擅長穿牆過壁,無孔不入。有o左佢,精子就可以進入卵子,完成任務!
精子需要有超強o既穿透力。
細胞核
裡面染色體高度聚集(DNAo係晒入面),所以體積較一般細胞核仲要細。堪稱係精子o既核彈頭!
核彈要有彈頭至可發揮威力。
中片 - 原來精子o既動力係位於中間部分。
粒線體
佢就係成粒精子o既引擎!精子之所以能夠力爭上游,完全係靠粒線體輸出馬力。而呢o的粒線體構成o既螺旋體,係成條精子尾巴o既開端。
豐田o既MR2同精子一樣,都係中置引擎o架!
有幾大馬力?
人類射精只需0.1秒,精子即跑出體外,呢0.1秒精子可行40-50厘米。換句話講,時速係18公里,同踩單車差唔多(香港公路上最高合法車速可達110公里/小時)!
原來射精o既馬力都唔及踩單車!
尾
精子尾巴o既主要成分係螺旋軸絲,緊貼軸外o既厚層纖維,最重要o既係由蛋白質組成o既「微管臂」。呢對微管臂可以利用類似肌肉中能源轉換o既方式產生能量,使管臂伸縮,造成擺尾!即係精子o既轉向系統!
轉彎靠晒佢喇!
前端的深黑色部份是細胞核;後面修長的部份是尾部,可助它游到輸卵管和卵子進行受精。
[
本帖最後由 beeyeung 於 2005-9-5 01:22 PM 編輯 ]