唔知有冇人講過
三粒骰既大話骰.
道具 : 每人一個骰鐘同3粒骰.
人數 : 通常最少都要3個,越多人玩越好玩.
玩法 : 好似玩大話骰咁,但係一粒4等如4粒百搭,個1就即係一粒百搭,
但係唔可以叫1同4,
例如我有4,5,2 就即係自己本身已經有5粒5或者5粒2.
玩法其實都係大話骰,但係呢個GAME可以飲死你.
處罰既方法 :例如 阿A 開 阿B 26個5,但成台夾埋得20粒5,咁阿B就要飲6格啦.
如果張台夾埋有30個5,咁即係阿A 要飲4格.
仲有如果有人叫左1或者4,果個人就要即刻飲,但係呢個時候既4只係當1粒.
例如果個人叫16個4.而台上得6粒4,即係飲10格.呢個時候1係唔會當百搭既,
所以唔小心叫左1或者4係好大穫架.
而當中柱既時候就要擇2粒骰,如果擇中12就即係飲12格啦,但如果擇倒2粒1就可以唔洗飲.
有D人會玩大佢擇3粒骰,但係擇3粒骰真係會飲死人.
而中柱就即係開既數目同台上既骰既數目一樣.
例如:開20個3,而台上面岩岩好有20個3,咁就即係中柱啦.
而飲幾多既方法都係你自己地定既,例如可以一隻杯有6格,咁輸左6格未一杯囉.
呢個要你地自己計啦.
如果我講解得唔好,唔好怪好 ~"~