等待驗證會員
|
55#
大 中
小
簡
繁
發表於 2005-8-31 只看該作者
各位師兄,相信有睇過置頂的” 公告 - 有關解除置頂 “,知道夜遊版大地震,好多POST都唔見咗同降級,而當中強哥更將所有他的POST關了(閱讀權限 255),小弟只系想系度發表小小個人意見:
話說小弟系上年先註冊的,但半年來只系系度浮浮沉沉,有間時先上來睇下,有時有心情就覆下帖,有時就闊佬懶理,做吓CD-ROM;但就系近呢幾個月上來無意中見到一個叫”沙咀強哥”的人所發的帖非常精彩,圖文並戊!自此,小弟就成為強哥FANS啦!咁小弟就系一個咁平穩,和諧嘅社會上成長啦,有時上來吹下水,有時上來發表意見,有時又出下report,開開心心,輕輕鬆鬆!
但好景不常,先有kk老師辭職唔做版主,後有紅兄失蹤12天,此2件事令到成個夜遊版非常混亂,尤其後者,因紅兄之前無交代清楚,所以人心枉枉,胆心紅兄有事,而系呢段時間大家都討論系咪要推舉多一位新版主,但系大家推下推下就不了了之,最後都系紅版主番來主持大局!(假如當日強哥可以成為版主的話,可能今日又有另一番景象)再者,更有強哥同紅版主因”強哥會客室”事件鬧不和,最後都系握手言和!!!
現在,小弟唔算系資深會員,但都經曆咗唔少嘢,心裡經常想,大家系度吹水嘅,有d可能真系吹下水,做下cd-rom,但相信好多師兄都系有擺個心:smile_05:出來,都系為咗呢度,為咗discuss!聽過一個師兄講過,discuss前身系唔知161定141嘅討論區,之後唔知系發大來搞定系轉個方式,就變成依家呢度,小弟心諗,一個討論區可以維持咁耐絶不容易,維持咁耐之餘仲有咁多人上來(吹水又好,交流也好)更不容易,最難嘅系有一班志同道合嘅人士為咗呢度付出不少(不論系付出時間,金錢,感情,智慧)!但依家就好似四分五裂咁,無咗幾個置頂嘅post,兄弟們就好似散晒,唔知去邊度吹水咁,好似無咗一個地方吹水咁!小弟並唔系怪版主取消置頂,佢只系按本子辦事,超版壓力,無得唔聽!但亦難怪強哥咁大反映,雖然我未必知道強哥嘅心情,但都覺得好似親眼見住自己個仔比人殺咗但自己又救唔到佢咁!!!心痛欲絶,心情難以平伏.:'):'):')
其實小弟系度講咁多廢話,都系想各位師兄知道,大家有緣系呢度吹水嘅都系兄弟,都系為呢度好,無論邊個啱,邊個錯都好,做兄弟嘅,有今生無來世,唔啱傾到啱,無謂為咗一d超版搞出來嘅小動作,搞到兄弟反目,自相殘殺吖!?如果各位師兄覺得啱聽嘅咪吹2句囉,唔啱聽嘅都小2吓,等小弟有進步!高興嘅就當呢度系強哥小會客室,唔高興嘅咪當系廢人吹水區囉!!!
PS:預咗版主扣分,因小弟系度講咗咁多無聊嘢,但都懇求版主手下留情,唔好扣咁多,因為小弟仲有少許就升級架啦!
By evildicky
|