引用:
原帖由 浪__子 於 2005-9-1 01:07 AM 發表
老實講句
我係呢度ge新人
但我真係有決心搞好D呢個區
如果唔係我又何必申請做版主?
又何必冒比人鬧ge險推動cut置頂貼?
首先我想講,
所謂置頂區, 應該係某些topic對本區最息息相關, 最必不可少ge.
我 ...
或者在回應前,大家應先平心靜氣,理性同客觀咁分析問題。以下係我做咁耐cd-rom少少意見!
1) 同意。太多置頂對於網站及版面發展的確有影響,適當的調整有時未嘗不是一件好事。
2) 吹水區太多形成分黨分派,理由亦可接受,但一個版面最少都可以容納到一個聚腳地點,如果以現時情況睇,點解唔將三大吹水區合併呢?歸一處理又方便,吹水的巴打亦會集中在此容易搵到人。依家咁處理唔係叫公平,係叫分化。
3) 各個版面有佢自己的風格,有無必要一定人地係咁你地又係咁呢?諗野時可唔可以因應情況而彈性處理呢?
4) 你話對所有會員一視同仁,我就睇唔到係咁喇!就算唔講強哥,我自己當日初嚟步到,開個主題都俾人追住殺,你地有無版主出嚟講個句公道說話?連再殺我果個都做埋版主,結果係點?依家咪有料都唔post在呢度囉!
5) 至於置頂與否,並唔係在乎呢點,要計反而係你地做一d好似呢類影響咁深遠嘅決定前,點計唔先同有關人士溝通,而事後被質疑時又前言不對後語,所有責任推落超版處(可能佢鐘意食死貓),你地做版主除左執行任務時,有無責任將會員的意見反映?我就見唔到囉,如果有都唔會出現呢個局面。
6) 你諗法係你小人之心,邊個話有吹水區就等如搞小圈子架,點解你唔去諗下其實吹水區係一個凝聚會員嘅地方呢?三個太多咪一個搞掂哂囉。
7) 你唔係詞不達意,你都係想件事用最平和的方式解決,只係正如咪少所講,呢個版你初嚟步到就坐到咁高,咩都唔知俾人擺上檯,各位巴打都會好了解同明白。