老實講句
我係呢度ge新人
但我真係有決心搞好D呢個區
如果唔係我又何必申請做版主?
又何必冒比人鬧ge險推動cut置頂貼?
首先我想講,
所謂置頂區, 應該係某些topic對本區最息息相關, 最必不可少ge.
我認為內遊區來講,呢D包括:
版規, 發問區, 投訴區, 同埋某D緊急通告
置頂過多, 只會令版面累贅, 反而唔好
至於吹水區,
我地解除某個吹水區置頂, 並唔係有貶低ge意思
純粹係想令版面更整潔,
事實上一個貼如果人氣旺, 多回覆, 根本唔會沉底
何必太在意係唔係置頂?
大家可以睇下,
係"引人入勝", 之前所有個人名義吹水區
不論置頂與否, 都全部刪除,
我地並無甘做, 正代表左我地依然尊重高人氣會員
我想講,
不論一個會員人氣幾高,
都唔會有特權, 不論係版主, 甚至超版
我地對所有會員一視同仁,
大家係呢度甘耐, 都希望呢度更好, 係咪?
我地所做, 唔敢講必定正確, 至少係無私為本版, 問心無愧
大家都係明白事理之人,
又何必在乎一個貼置頂與否? 置頂唔代表高級D架
能入精華先係一種肯定, 係咪?
我本人並唔贊成再開吹水區置頂
講真邊度都有小圈子啦,
某D人同呢個相熟, 某D同另一D熟, 都係好正常
大家係唔同ge吹水區傾, 只要互相尊重, 我唔覺有問題
可能我依然辭不達意,
有咩講錯, 希望大家指教,
我只希望大家都能夠繼續留係呢度,
好似以前甘吹水交流
共同努力搞好個版
有咩意見, 問題, 小弟不才, 但都會盡量解答,
盡量令大家滿意.
