http://www.188channel.com/viewthread.php?tid=19493717&;extra=page%3D1&page=1
你成日都係一個人食飯嗎
[隱藏]
我單身左3年 收埋左自己好耐冇咩朋友 應該係話冇朋友..好耐冇出街玩
自細冇親人 所以唔係一個人食飯我覺得係好幸福既事黎 可能你地覺得好普通
成日同自己講比心機搵錢 唔好諗其他野
我想講單獨並不等於孤獨... 但事實呢句說話成立嗎? 定係一路o係度自己呃緊自己 到底以經習慣左咁既生活係借口 定還是係唔想再去接受其他人既原因?
~~~~~~~~~~~~~~~~~~~~~~~~~~~~~~~~~~~~~~~~~~
我最近一個人入場睇既戲係春驕與志明
我會一個人出街打邊爐慢慢食睇哂成份東方 會見到隔離台成班人食嘻嘻哈哈興高采烈飲飽食醉搵下場唱k掟鏢 我就自己返上樓.
我住九龍放假會自己一個入淺水灣赤柱游水哂太陽 會見到有一pairpair既情侶卿卿我我 亦都有約埋三五知己既你追我逐 陽光海灘大合照放上fb 我合埋眼聽歌哂夠自己返屋企.
人地鬥地主打大陸牌台灣牌約夠腳去聯誼會大戰四方城打完宵夜天光飲早茶 我都有不過係o係電腦打神來同博雅.
某某bar打卡簽到影杯啤酒大圍v字手放fb大叫英格蘭好波.我都有叫不過o係屋企自己一個睇歐國杯.
工作辛苦買打生蠔返屋企食獎勵下自己 好好味又影張放上飛卜 咁岩某某又有張生蠔相某某自助餐慶生70幾個讚好 我都好叻有一個讚好.
心戰殺人狂陳豪親情有細妹 友情有秋官 愛情有邵美琪同埋散餐助手 我三樣都冇衰L過殺人狂 so sad.
