故事繼續,又過左大約2星期
我又問下A小姐同B先生點,因為工作關係,我同A小姐係成日都會見面,所以間中我都會問下佢
A小姐話,佢覺得B先生唔知係咪真係鐘意佢:smile_41:
我問點解
佢話B先生唔會打俾佢,又唔會話掛住佢
A小姐話:一日一個電話都無,收工可以打個電話話俾我知架嘛,咁如果我死左,佢係咪要睇報紙先知個女朋友死左?
我問:咁點解你唔自己打俾佢呢?
A小姐話:樣樣野都係我主動,做得多你都悶啦,我以前男友屙屎唔出都打俾我
我果刻真係R晒頭+谷9氣:smile_39:
我答佢:咁你咪搵返你以前條仔囉:smile_22:
我完全唔明白點解一定要條仔打俾你,你唔可以打俾佢呢?
A小姐話:咁點解次次都係我打俾佢呢?我唔係話要佢就晒我,但係我做10次,佢都可以做返2-3次者
我話:邊個行出一步係咪真係咁重要呢?重要既係如何去維持關係,並唔需要計較邊個行出一步,邊個打俾邊個先,
我呀,同我老公一齊就黎10年,我老公都唔會每日打個電話俾我既,佢係有野先會打黎,果D傾閒計,你做緊咩呀依D
從來都係我自己打去問我老公,男人好少會咁無聊,打去女人度講一D無謂既野,你以前條仔27歲,你23歲,你以前條
仔做SALES既,你依家條仔坐OFFICE,對客,做DIRECTOR,BACKGROUND完全唔同,重有,咁得閒日日無無聊聊咁同
你傾計,都唔方有事業啦下化?:smile_45:
A小姐:佢從來無主動同我講話掛住我
我話:小喇叭!佢唔講你咪問囉,點解你唔問佢有無掛住你呢?
A小姐:咁樣好似迫佢講咁,唔係發自內心
我話:點樣呀你依家?:smile_22: 日拿日打俾你同你講我愛你就叫好呀?唔該你唔好用你女人果套套落男人度啦,女人掛住男人
可以無時無刻,可以屙緊尿果陣掛住,可以行緊街果陣掛住,男人無你咁得閒,成熟既男人做野就係做野,掛住依D野留返
夜晚有時間先,重有,你要個男人開聲同你講我愛你,我掛住你係難過登天,我識既所有男人(令仔唔計,我講緊成熟果種),無一個
會開口埋口我愛你,掛住你都只會話,我有諗起你:smile_45:
我無你咁麻煩,我要知我就會問,我識我老公就黎十年,都未聽過佢主動同我講掛住我,如果佢今時今日無拿拿咁樣同我講,
我一定問佢係咪發緊燒:smile_30: 橫掂你只需要聽到掛住你依3個字係你男友口中講出你就開心,咁你開口問,佢答你又有咩問題??
A小姐:你點同呢?你由同你老公岩岩開始就同居,可以日日見,佢係你視線入面
我話:佢係唔係你視線內有咩重要呢?
A小姐:咁或者佢同其他女人去街呢?我點知呀?
(依刻我除左粗口之外,乜都唔想講:smile_45: )
我話:拿媽!咁你想點呀?係咪要裝GPS係佢電話入面呀?你係咪痴線架?你唔信佢你同佢一齊巴X咩?
A小姐:我好無安全感
我話:係因為你太很得9閒:smile_45:
再續
唔知大家明唔明白點解我話性格決定命運,亦決定桃花
一個唔能夠自立既女人,對我黎講只係恐怖:smile_45:
