好,故事繼續
佢地行左2個星期度,我就問A小姐,同B先生點?:smile_41:
A小姐話佢覺得B先生好宅男,唔識照顧佢,唔識TUM佢
剩係顧自己:smile_39:
我就問,例如係D咩呢?
佢話B先生唔會問下佢凍唔凍呀?一齊食飯又唔會整埋俾佢食
我問返佢,咁B先生拍過幾多次拖,佢話應該唔多過3次
咁我就話:拍拖經驗淺,唔識同女性相處好正常者:smile_27:
佢話:佢係愛我既話應該會咁做
我真係俾佢吹很漲:smile_39:
我話:當你要求人地照顧你果陣,你作為女友又為佢做過D咩呢?
一齊食飯點解一定要個男既整埋俾你食呢?大佬,我依家拍拖咋喎,我唔拿係臭女喎:smile_19:
佢話佢同另一個男性朋友食飯,食韓國燒烤,個男性朋友全程燒埋俾佢食,佢完全唔洗郁手:smile_39:
我同佢講:小姐,你依家係搵男朋友,唔拿係搵工人同阿媽,你咁拿多要求既?
重有,普普通通一齊食飯咪OK囉,一埋枱就招呼周到,果D肯定係高手啦下化??你用下個腦啦!:smile_22:
同埋,點解唔可以調轉你整俾佢食呢?我覺得咁樣都一樣好SWEET者,點解一定要佢做呢???
根本你就係計較,計較邊個做得多D,邊個做少D,你個人咁都要計既,點拍拖?
重有,聰明既女人係應該教自己男朋友如何TUM自己開心,以唔係問條仔,點解你唔TUM我開心
大佬,我Q知點樣TUM你開心咩,學校都無教:smile_45:
你想佢整俾你食,你應該先整一件俾佢食,再同佢講你想食牛肉,叫佢燒件俾你
然後話佢知,BB,好味呀!以後我都想你燒牛肉我食
到再下一次,你又再叫佢燒俾你食,一段時間後佢就會入腦,記得要燒牛肉你食囉:smile_45:
你一黎就認為佢識做依D野,邊可能?大佬,學校無一科叫做如何TUM女友架,早知咁拿麻煩既,我唔拍拖啦:smile_45:
果D問你凍唔凍,有無食飽,只有我阿媽會咁問
我同我老公一齊就黎十年,佢都唔會咁問我,除非我去左韓國,零下10度,佢先會問我凍唔凍,有無帶夠衫:smile_13:
好心你,睇少D日劇啦,成日幻想個男朋友出黎,世界上無依D男人架,死左條心佢啦:smile_45:
故事之後發展,再講
想問一問各位男士
你地覺得A小姐所講緊既要求係咪太多呢?
你地又會唔會好似A小姐所講咁,咩都服侍周到呢???
[
本帖最後由 jean_andylau 於 2013-7-31 04:58 AM 編輯 ]