(二)慾海
(二)慾海
旺角女人街百年如一日,人來人往穿插於小販堆之中。
小港女指住其中一個檔口︰『老竇,我要買蝦撈kitty公仔頭﹗』
港佬︰『唔買呀﹗上個月至買左個蝦撈kitty書包,再上個月又買左個蝦撈kitty枕頭袋,依家又買?你估你老竇我係李加乘咩﹗』
小港女苦苦哀求︰『老竇呀,買比我啦﹗我樣樣都有,淨係差一個蝦撈kitty公仔頭咋﹗』
港佬︰『唉﹗你唔好同老竇黎呢套﹗我上個月先至領教過﹗都唔知你係唔係中鳩左日本仔D降頭﹗蝦撈kitty有寶咩﹗蝦撈kitty有奔周架?第日嫁個蝦撈kitty做老公好唔好?』
只見那港佬口裡說不,身體卻不由自主地步向那小販檔,拿出銀包,口中念念有詞︰『.....吊那媽﹗.....一見到蝦撈kitty即刻師父上身標撚曬同........我前世梗係欠撚左你兩母女﹗....我夠想你老母係蝦撈kitty啦﹗之不過自從一同渠結左婚,以前嘅蝦撈kitty就變鳩左一隻張牙舞爪嘅吊睛白額老虎姆﹗.....』
九月的香港,濕、熱、侷促。
小販老板娘約莫三十上下年紀,一頭棗紅鬈髮,柳眉彎彎,眼線深長。一件螢光粉紅雞翼袖窄身T恤罩住對大西瓜,超短牛仔熱褲,兩腿修長曲線終端,穿一對純白人字拖。腳趾上大大小小幾片蝦撈kitty閃光甲,風騷到呢.......
那港佬拖著他的小港女,小港女抱著她的蝦撈kitty公仔頭,隨著人潮步去。那經歷過荷包大出血的港佬,三魂七魄散失無蹤,只剩下一副肉體,彷彷彿彿,甩頭甩骨,隨著人群飄蕩。渠腦中尚存一點神識,不斷重復又重復咁翻播住果條小販老板娘同渠兩父女嘅對話.......
『阿Kiss﹗哈哈哈﹗又係你呀﹗點呀?今次個女睇中邊樣呀?.....』
『我再講一次,我叫做阿Chris,唔係阿Kiss﹗』
『是旦啦﹗叫阿Kiss唔好咩?嘻嘻....(老板娘一對淫眼好似部scanner咁由上到下再到返上咁將“阿Kiss” scan左一次...)叫阿Kiss好呀﹗...嘻嘻....好鬼性感架呢個名......嘻嘻....』
『頂你個肺﹗我吊吖﹗人地好地地改個英文名比你叫撚到cheap矖﹗....』
『老竇﹗我要買呢個﹗』
『呢個幾銀呀?』
『嘻嘻....(部鹹濕scanner繼續roll機)...呢個下嘛....呢個近排好多後生仔中意架呢個......阿Kiss.....嘻嘻...阿姐計你平D啦,三舊水一Q......吖唔係....三舊水一個啦﹗阿Kiss﹗』
『乜近排D後生仔中意D臉盤咁大嘅公仔頭嘅咩?』
『係呀﹗大個D好D架,連人頭都裝得落架....阿Kiss﹗』
『....連人頭都裝得落架....阿Kiss﹗...』
『...頭都裝得落架....阿Kiss﹗...』
『.....三舊水一Q,阿Kiss﹗...』
『...我裝得你落架....阿Kiss﹗...』
『.....阿Kiss﹗...』
.....
『....呀﹗....我吊﹗我要吊死你個死八婆﹗....』阿Kiss從春夢中醒來,滿頭大汗。睡房中放滿衣服雜物,團團圍住一張雙人床。阿Kiss魂魄未定,耳邊迴蕩住尋日果條鹹濕小販老板娘嘅叫床式對白。抹一抹汗,望一望身邊,只見一隻吊睛白額大老虎正喺度呼呼大睡,一大個黃黑相間嘅虎皮屎忽隨住鼻寒聲一上一落﹗阿Kiss嚇到成個跳起︰『哇﹗我吊吖﹗唔係咁撚猛下嘩﹗...』
渠隻老虎姆醒左,一臉愛理不理︰『你吊?你吊乜撚野呀?你吊到咩?冇撚用﹗唉﹗等我重嘥成千銀走去買套虎紋胸圍底褲黎同你warm up﹗下個月交租都冇錢呀﹗你吊?你吊到咩?你吊比我睇下吖﹗』
阿Kiss進入瘋狂狀態︰『我吊﹗...你地唔撚好再迫我呀﹗.....唔撚好再迫我呀﹗...』
客廳中小港女大叫︰『老竇﹗老竇﹗快D出黎睇新聞呀﹗果個“蝦撈kitty俠”又蒲頭喇﹗』
(Beyond “灰色軌跡”響起︰....踏著灰色的軌跡﹗盡是深淵的水影﹗我已背上一身苦困後悔與唏噓..........)
[ 本帖最後由 廣東-蠻子 於 2014-9-9 04:59 PM 編輯 ]