卷四
幾日後, 隻腳終於無咁痛, 條差仔都總算識做, 呢幾日都會送外賣上黎比我, 仲要係特別加料泡制唔收我錢果隻, 不過好彩個衰仔都算醒目, 一句都無提過果晚嘅事, 就好似無發生過一樣咁, 都算佢啦, 星期六下午, 諾儀個八婆又貢上黎, 見佢個樣笑口淫淫咁就唔抵得, 「做咩呀, 中左六合彩呀, 咁好笑容嘅!」 個八婆古古惑惑咁響我賓館度四圍咁望, 「望咩春野呀? 嗱, 呢間房有條潤腸, 果兩間房有兩條印度腸, 呀, 仲有條尼泊爾腸響呢間, 妳想攞邊條蒸飯丫?」 「喂, 果條潤腸係咪黑鬼文呀?」 我望住佢雙眼發晒光咁, 「係條巢晒皮嘅潤腸, 做咩咁掛住黑鬼文呀, 想搵佢挑戰高難度呀?」 個死婆又再古古惑惑, 「唔係想, 係…..已經挑戰左嘞!」 我聽到後都打個突, 「妳唔係真係同黑鬼文攪左呀?」 個死婆笑住黎點頭。
諾儀講番果晚我出左門口之後嘅事比我聽, 「唉, 我真係服左妳, 人地叫外賣, 妳就做外賣, 仲要唔使收錢個隻, 橫掂近排賓館的生意都麻麻地, 不如我掛個牌響出便, 話租房有女送, 手快有, 手慢無咁啦!」 諾儀打住我黎講, 「痴線, 妳去死啦, 要送就送妳自己!」 「話時話, 呢排的生意真係幾靜, 最衰隔離個尼泊爾佬間賓館, 好似追住我黎打咁, 我已經減左房租, 點知第日比佢見到後, 佢又跟住我黎減, 仲要減得平我的的, 咁鬥法, 咪盞大家無啖好食!」 諾儀望下隻錶, 「好嘞, 唔講嘞, 仲要番屋企執野, 過多幾日我要搬嘞!」「做咩呀, 咁快就搬去條佬度住?」 「佬妳死人頭, 個無良業主加我租呀, 咁我咪要搬去第度舊區果的平租的囉, 麻鬼煩!」
幾日後, 呢日諾儀同公司告左一日假, 早上搬運公司一早已經黎左, 諾儀正忙於打點一切, 已經搬晒的野上車, 貨車亦已經開始駛離舊居, 正向住新居方向出發, 好快已經到達新居之處, 工人亦陸續將車上的野搬緊落黎行人路上, 呢個時候, 個搬運公司老細走黎同諾儀講, 「呀小姐, 有的野我想同妳講, 原本我地已經傾好左果個價錢, 之不過而家我地發覺原來我地搬左的野上樓之後, 仲要落一層先到妳果處, 咁樣我睇要加多二千蚊搬運費先得喎!」
諾儀覺得好唔合理, 「老細, 我比個地址你時你都應該知係咁嘅環境, 跟住你先再報價比我, 而家你搬左一半先至話要加我錢, 我覺得唔合理囉!」 兩人正據理力爭咁拗左好耐, 最後, 「小姐, 既然係咁, 我地都無辦法嘞, 收左果一半定就當係頭先果程嘅搬運費, 呢度的野妳就自己搵人再搬上去嘞, 我地唔會再負責架嘞, 手足們, 收工走人!」 望住的貨車經已遠去, 諾儀已經嬲到爆炸, 所有野就咁放晒響行人路上, 呢舖真係唔知點算。
呆左一陣, 始終都要面對架, 諾儀唯有死死氣咁自己一件又一件咁搬入大廈大堂之內, 都未搬到一半, 已經攰到坐左響度攤抖緊, 「呼, 正死仆街黎架, 冚家富貴, 睇電視就睇得多, 呢舖居然會比自己咁撞到正呢的衰人, 死啦, 仲有排搬添架, 呼…….」 抖左一陣, 諾儀又再繼續開始搬野, 突然, 諾儀發覺好似有人企定定咁望住自己, 望真的, 咦, 係黑鬼文喎, 黑鬼文正同埋一個印巴藉嘅大件佬一齊, 兩人望住諾儀, 黑鬼文似乎認得出諾儀咁樣, 諾儀見到即時衝到上前指住黑鬼文, 「你係….黑鬼文!」 黑鬼文笑左一笑, 跟住用好流利嘅廣東話同諾儀講, 「咩妳搬黎呢度呀!」 諾儀已經有氣無力咁同黑鬼文講, 「唉, 唔講咁多, 嗱, 有無時間幫幫手, 幫我將的野搬上樓去我屋企度先, 最多搬完之後飲荼食飯我嘅!」 黑鬼文問緊隔離個大隻星, 大隻星聽完就點左下頭, 「笨.友, 毛.問.題, 餓.最.鍾.易.幫.的.靚.女.手.嘅!」 講完, 兩條友就嘭嘭聲咁即時開始搬野。
[ 本帖最後由 mandy2013 於 2013-11-27 09:06 AM 編輯 ]