第六章 : 十大候選人
一班禽獸！
簡直係一班禽獸！！
嬲到有d 震.....乜，我唔係寫咗「非誠莫擾」嗎？頂。
雖然，除咗一兩個誠意回覆，其它就話 pm 咗我，但是，當我看到一些如：
「師奶不要講大話，不是加班，是在餵奶」
「交朋友可以，請問波有幾大先？」
「SP 可以嗎？」
「交我吧丶我 8 吋」
真係丫，d 人覺得自己很幽默嗎？
連 pm 都爆了，account 只能看 10 個 pm ，但就有 33 個，連開啟都不能，要我先拆掉一些，九唔搭八的系統。
但是還未看呢....算吧，應該都係些如版面的廢話，不過，可能亦有「好盤」啊。
心大心細之下，我以與我美貌並重的聰明智慧，單看「網名」去評估封 pm 的價值，唔怕生壞命，最怕改錯名，原來真的有道理呢。
33 中選 10.....哼....superboy丶窮鬼丶毛人愛丶壞蛋丶橫掃蘭桂坊......。
嘩，揀出咗 20 個 losers ，都仲有 13 個啊，留下嘅，都好有好奇想睇，而令我心中一跳的，竟然有.....「無敵」。
真醜怪，竟然畀佢撞上，早知開個新戶口先發帖啦，話咗自己會後悔。
不單止「無敵」，連 J 仔跟米青都喺度，唉，正衰人，㧎住晒 d 位，明知佢兩個唔會有好嘢講，但是，都算有一面之緣，人是有好奇心的啊，就咁 band 佢哋嗎？
已經知道「無敵」是一定留的，還有九位候選人，嘻，有 d 似選香港小姐.....好吧，十位開始：
無敵丶
人傑丶
正能量丶
CYL丶
光明左使丶
神釆飄丶
真命天子.....呢位有 d 自視高，但敵不過自己的好奇心。
唔.....仲有三個，睇情形姣姐的兩位愛郎要出局喇.....。
咦......
sandy2013....女人？
不過，又係喎，我貼只是搵人交友，未有指定是搵男朋友，又是一股好奇，都好，紅花緣葉，有男有女，搵人傾傾偈，女人也不是問題啊。
點知我手痕之下，更新了網頁，怎麼又多了七個新 pm ，真的殺之不盡的嗎？
.......西方不敗？又係一 d 打遍天下無敵手的角色？跟無敵一樣？不知醜的嗎？
講真，若果不是已經遇過無敵，這樣的名，是不討好我的。
算吧，江水滔滔，長拍長有，就即管畀機會米靑跟 J 仔兩個小丑，睇埋佢哋 pm 啦。
其它的，拆！
好，開 pm 。
[
本帖最後由 7色 於 2015-1-18 09:01 PM 編輯 ]
